ଶିକ୍ଷିତ ବୋଲି ମୁଁ

ଶିକ୍ଷିତ ବୋଲି ମୁଁ ଆଣିଲି ବୋହୂକୁ

ଘର ଚଳାଇବ ମୋର

ଟାଉନ୍ ଭିତରେ ବଡ ହୋଇଅଛି

ଦେଖିବାକୁ ବି ସୁନ୍ଦର ।

 ଆନନ୍ଦରେ ଘରେ ଲକ୍ଷ୍ମୀ ବୋଲି ଆଣି

 ସବୁ ସମର୍ପିଲି ତାକୁ

 ଗୋଟିଏ ପୁଅ ମୋ ବୋହୂ ହୋଇ ମୋର 

  ଆସିଛି ଝିଅ ଘରକୁ ।

ଦିନେ କି ଦି ଦିନ ହୋଇଛି ବୋହୂକୁ

ଆରମ୍ଭ କଲା ତା' ରଙ୍ଗ

ମୋଟି ହୋଇଗଲି ବୋଲି ସିଏ କହି

ବଦଳିଲା ରଙ୍ଗ ଢ଼ଙ୍ଗ ।

  ଘରକାମ ଛାଡ଼ି ସକାଳରୁ ଉଠି

   ଚାଲିବାକୁ ଗଲା ନୀତି

  ଶାଶୁ ସାରେ ଯେବେ ଘର କାମ ସବୁ

   ବୋହୂ ପ୍ରବେଶ କରନ୍ତି ।

ଜିମ୍ ଯିବାପାଇଁ ଆଗ୍ରହ କରିକି

ଜିମ୍ ପୁଣି ଚାଲିଗଲା

ବିଚାରି ଶାଶୁ ମା ଭାଗ୍ୟକୁ ଆଦରି

ନିଜ ଘର ସମ୍ଭାଳିଲା । 

  ବିନା ଜିମ୍ ଯାଇ ହୃଷ୍ଟପୃଷ୍ଟ ମୁହିଁ 

   କି ଦ୍ୱିଧା ଅଛି କି ମୋର

  କହୁଅଛି ଆଜି ଶାଶୁ ମାଆ ତା'ର

   ରାଗରେ ପିଟୁଛି ଶିର।