ଶିକ୍ଷା

ଶିକ୍ଷା ଜୀବନର ଆଦ୍ୟ ଆବଶ୍ୟକ

ପ୍ରତି ଜନତାର ପାଇଁ l

ଖାଦ୍ୟ, ବସ୍ତ୍ର, ବାସ ମୌଳିକ ଯେପରି

ଲୋଡ଼ା ହୁଏ ତା ପାଇଁ ll

ଶିକ୍ଷା ବିନା ନର ପଶୁ ପରି ଜାଣ

ବିଦ୍ୟା ଅଟେ ମହା ଧନ l

ବିଦ୍ୟାହୀନ ନର ଜୀବନ ଅନ୍ଧାର

ଦୁଃଖରେ କଟେ ଜୀବନ ll

ପ୍ରବାସରେ ବନ୍ଧୁ ସଖା ମିତ୍ର ସିଏ

ବିପଦେ ଅଟଇ ଭାଇ l

ବିଦ୍ୟା ସମ କେହି ଦୁନିଆରେ ନାହିଁ

ବିଦ୍ୟା ଲାଭ କର ଯାଇ ll

ବିଦ୍ୟା ବଳେ ତୁମେ ବିନୟୀ ହୋଇବ

ପ୍ରିୟ ପାତ୍ର ସଭିଙ୍କର l

ପ୍ରିୟପାତ୍ର ଧନ ଉପାର୍ଜିବି ଧର୍ମ 

ଜୀବନ ହୋଇବ ସାର ll