ଲାଇବ୍ରେରୀ
ପ୍ରୋଫାଇଲ୍
ଶୀତୁଆ ସକାଳ
ଶୀତୁଆ ସକାଳ
1 min
229
ଶେଯରେ ଥାଇ ଗରମ ଗରମ ଚା କପେ ଭଲଲାଗେ
ଖରାରେ ବୁଲିଲେ ବି ଶୀତ ବସ୍ତ୍ର ଭଲଲାଗେ
ସନ୍ଧ୍ୟା ପୂର୍ବରୁ ଘରକୁ ଫେରି ରାଗୁଆ ଜଳଖିଆ ଭଲଲାଗେ
ସବୁଠାରୁ ବେଶୀ ଭଲଲାଗେ ନିଜ କଳ୍ପନାରେ ହଜି
ପ୍ରକୃତିର ସୌନ୍ଦର୍ଯ୍ୟ ଉପଭୋଗ କରି କିଛି ଲେଖି ବସିଲେ
କାହାକୁ ପକଡି ଦରକାର, କାହାକୁ ମୁଢି ବାଦାମ
କାହାକୁ ଗରମ ଚା/କଫି ତ କାହାକୁ କମ୍ଵଳରେ ଆରାମ
ସକାଳୁ କିଏ ଧୁନି ଜାଳି ମଜାନିଏ ତ ଆଉ କେହି ଭ୍ରମଣରେ
କିଏ ଏକା ଏକା ସମୟ କାଟେ ତ ଆଉ କେହି ସାଥି ସାଙ୍ଗ ରେ
ଯିଏ ଯେମିତି ଚାହେଁ ଉପଭୋଗ କରେ ଶୀତ ଦିନରେ
ତଥାପି ଟିକେ ଅସହ୍ୟ ହେଲେ ଋତୁ କୁ ଗାଳି କରେ
ଭଲମନ୍ଦ ସବୁ ସହି ଯିଏ ଆଗେଇ ଯାଏ
ଉନ୍ନତିର ଶୀର୍ଷ ଛୁଇଁ ସେ ସଫଳତା ପାଏ
ଶୀତରେ ଭଲଲାଗେ ନୂଆ ନୂଆ କବିତା ଲେଖିବାକୁ
ଆସୁ କି ନ ଆସୁ ନିଜ ଧୂନରେ ହଜିବାକୁ ।
