ଶୀତରାତି

ଆଜି ପରି ଏକ ଶୀତରାତି ଟାରେ

ସାଜି ତୁମେ ଦେବ ଦୂତ୍ତ,

ଅପବିତ୍ର ମୋର ଦେହ ଦେଉଳରେ

ସିଞ୍ଚିଥିଲ ପଞ୍ଚାମୃତ l

ଶ୍ରୀପୁରୁଷୋତ୍ତମ ପାଷାଣୀ ଅହଲ୍ୟା

ଉଦ୍ଧରିଥିଲେ ଯେପରି,

ମୋ ଦେହ କଳଙ୍କ ଧୋଇକରି ତୁମେ

ନେଲ ତୁମ ବଧୂକରି l

ମୋ ଜୀବନ ଥିଲା ଅମା ଅନ୍ଧକାର

ଭରିଛ ପୂର୍ଣ୍ଣମୀ ଜ୍ୟୋସ୍ନା,

ଥୁଣ୍ଟା ମରୁଭୂମି ଚଲା ବାଟେ ମୋର

ବିଛେଇଲ ମଲ୍ଲୀ, ହେନା l

ବୈଶାଖୀ ଖରାରେ ଝାଞ୍ଜି ଖରାବେଳେ

ମଳୟ ଖେଳିଲା ଦୋଳି,

ଧାରା ଶ୍ରାବଣ ର ମୋ ଦୁଇ ଆଖିରେ

ଦେଲ ପ୍ରୀତିକଳା ବୋଳି l

ବଞ୍ଚିବାର ଇଛା ନଥିଲା ମନରେ

ତୁଚ୍ଛ ଲାଗୁଥିଲା ଜୀବନ,

ପ୍ରେମର ଗୋଲାପ ଗଭାରେ ଖୋସିଲ

ଦେଖିଲି ମୁଁ ନୁଆଁ ସପନ l

ରୂପଜୀବୀ ଆଖ୍ୟା ଲିଭାଇଲ ତୁମେ

ହୋମ ନିଆଁ ସାକ୍ଷୀ କରି,

ବିଷାକ୍ତ ଦେହରେ ମଧୁ ବୋଳିଦେଲ

ସିନ୍ଥି ରେ ସିନ୍ଦୁର ଭରି l

ଏଇ ମୋ ଜୀବନ ଦୁଆର ବନ୍ଧରେ

ହେଲ ତୁମେ ପୂର୍ଣ୍ଣ କୁମ୍ଭ,

ପଙ୍କ ନୁହଁ ତୁମେ ନର୍କରୁ ଉଦ୍ଧରି

ଭରିଦେଲ ଧ୍ୟର୍ଯ୍ୟ ଦମ୍ଭ l

ଶୂନ୍ୟ କୋଳ ମୋର ପୂର୍ଣ୍ଣ ହେଲାପୁଣି

ମାତୃତ୍ୱ ଲଭିଲା ପରେ,

ଜୀବନର ମୋଡ଼ ବଦଳିଲା ମୋର

କୁଲବଧୂ ହେଲାପରେ l

ଏହି ଶୀତରାତି ଏ ଜୀବନେ ମୋର

ଭରିଲା ପ୍ରୀତିର ରଙ୍ଗ,

ମାଟିଘଟେ ପ୍ରାଣ ସଞ୍ଚରିଲା ମୋର

ପାଇ ତୁମ ପ୍ରୀତି ସଙ୍ଗ l