ଶୀତ

ଆଜିକାଲି ଅନୁଭବରେ ତୁ ଏକମାତ୍ର 

ତୋର ସ୍ପର୍ଶରେ ବିଭୋର ସାରା ଜଗତ୍ର ।

ଅନୁଭବର ଠାକୁର ଓଢଣ ଲାଗି 

ଦିଶନ୍ତି ସୁନ୍ଦର ଆଖି ଯାଏ ଲାଖି ।

ପ୍ରତିଟି ରାତିର ସଞ୍ଜ ନଇଁବା ପୁର୍ବରୁ 

ଆସୁ ନିବିଡ଼ତା ବଢ଼ାଇ ସେଇ ମୁହୂର୍ତ୍ତରୁ ।

ତୋ ଭଳି ସ୍ପର୍ଶ ଆଉ କହ କେ ଦେବ 

ତୋ ଭିତରେ ପ୍ରେମଫୁଲ ଫଲଗୁ ବୈଭବ ।

ସତ କହ ଏତେ ଭଲପାଇବା କୋଉଠୁ ପାଇଲୁ 

ନିବିଡ଼ତା ଭାରେ ଭରି ମନ ପ୍ରାଣ ଉଲ୍ଲସିତ କଲୁ ।

ଅବଗୁଣ୍ଠନବତୀ ପରି ଆସୁ ଥିରି ଥିରି 

ତୁ ଆସିଲେ ହୃଦୟ ହଲଚଲ ପକାଏ ସାତଫେରି ।

ଭଲଲାଗୁ ଲାଜବତୀ ମଉନାବତୀ ଶୀତ 

ପାଗଳପ୍ରେମୀ ଟିଏ ତୁ ବୁଝିଥାଉ ଜୀବନ ସଂଗୀତ ।

ତୋ ଭିତରେ ଏତେ ଛନ୍ଦ ଲୟ ଅଳଙ୍କାର 

ଭଲଲାଗେ ରାତିସାରା ଆଲିଙ୍ଗନ ତୋର ।

କେବେ କେବେ ଅଭ୍ୟର୍ଥନା ରେ ଅନ୍ତର୍ଦାହ ଦେଇ 

ସାଜୁ ବଇରୀ ଶୀତ କହ କାହିଁ କାହା ପାଇଁ ।

ସ୍ମୃତି ଛାଡିଯାଉ ହୃଦୟେ ଅନେକ ଅନେକ 

ବିସ୍ମୟ ବିଜଡିତ ପଲକ ଖୋଜେ ।

ଆସନ୍ତୁକି ପୁଣି ଅଚାନକ ସାଜି ବଣିକ 

ବଦଳାଇ ଦେଇ ସବୁରି ପାରିପାର୍ଶ୍ୱକ ଅବସ୍ଥା ଫଳକ।