ଶୀତ ସକାଳ

ଆସିଲାଣି ଶୀତ ଥରିଲାଣି ଧରା 

    ଶୀତ ସକାଳର 

    ଶିଶିର ବିନ୍ଦୁରେ 

ପଡ଼ିଛିରେ ଦେଖ କଅଁଳିଆ ଖରା ll

ନାହିଁ ମେଘ ମାଳା ନିର୍ମଳ ଆକାଶ 

    ପିନ୍ଧି ଶୀତ ବସ୍ତ୍ର 

    ପ୍ରାତଃ ଭ୍ରମଣରେ 

ଖୁସି ଆଣି ଦିଏ ଶୀତ ଅବକାଶ ll

କଅଁଳିଆ ଖରା ଶରୀରକୁ ପଥି 

     ସକଳ ରୋଗରୁ 

     ମୁକ୍ତ ହୁଏ ଦେହ 

ଶକତି ଯୋଗାଏ ସକାଳ ଠୁ ରାତି ll

ଶୀତ ସକାଳର ରବି କିରଣରେ 

     ଥଣ୍ଡା କାଶ ସବୁ 

     ହୁଏ ଦୂରୀଭୂତ 

ସଅଳ ପଡିଲେ ଶରୀର ଉପରେ ll

ଅଳସ ପଣକୁ କରି ପରିତ୍ୟାଗ 

     ସକାଳୁ ଉଠିଣ 

     ଚଲା ବୁଲା କଲେ 

ଶରୀରରୁ ତୁଟେ ଯାବତୀୟ ରୋଗ ll