ଶୀତ ଆସିଲେ

ଶୀତ ଆସିଲେ 

ଖୁବ ମନେ ପଡ ତୁମେ

କାକରଭିଜା ସଦ୍ଯ ଗୋଲାପଟି ପରି

ହସୁଥାଅ ମୋ ମନ ବଗିଚାରେ ।

ତୁମକୁ ଛୁଇଁଲେ ଲାଜେଇଯାଅ

ଲାଜକୁଳି ଲତା ଭଳି

ଚୁପଚାପ କାନେ କହିଦିଅ

ଏ ଚାଲନା ଯିବା ସ୍ଵପ୍ନ ଖୋଜି

କୁହୁଡିମଖା ନିରୋଳା ରାତିରେ ।

ଶୀତ ଆସିଲେ 

ଗାଇବାକୁ ଭାରି ଇଚ୍ଛାହୁଏ ଗୀତ

ବେସୁରା କଣ୍ଠେ ଜୀବନ ଯମୁନା ତଟେ

ତୁମେ ଖୁବ ମନଦେଇ ଶୁଣ

ବୋର ହୁଅନି ଜମା କେବେ

ବସି ଉଷ୍ଣତାର କଦମ୍ଵ ମୂଳେ ।

ତୁମେ ଆଉ ମୁଁ

ପରସ୍ପର ଚାହିଁଥାଉ ଏକ ଲୟରେ

ଜଣାପଡେନି କାହାକୁ କେବେ

କିଏ ଯେମିତି ଛନ୍ଦିଦିଏ 

ଆମ ଦୁହିଁଙ୍କୁ ଗୋଟିଏ ରଜ୍ଜୁରେ ।