ଶୀତ ଆସିଛି

ଶୀତ ଆସିଛି 

ଚାରିଆଡେ଼ ଦେଖ ଛାଇଯାଇଛି 

ଶୀତର ଶୀତଳ, ସ୍ନିଗ, ପରଶ ।

ଗୋଲାପରେ, ଗାଲିଚାରେ 

ଗଛରେ ଗଛରେ, ପତ୍ରରେ ପତ୍ରରେ 

ଯେମିତିକି କିଏ ଆସି ବିଛାଇ ଦେଇଛି 

ବିନ୍ଦୁ ବିନ୍ଦୁ ମୁକ୍ତାର ଗାଲିଚା । 

ଚାରିଆଡେ଼ ଧୂଆଁଳିଆ, ଦେଖାଯାଉନି ରାସ୍ତା 

କି ଦେଖା ଯାଉନି ମୁହଁ କୁ ମୁହଁ ସକାଳୁ

ତଥାପି, ରାମ ସାହୁର ଚାହା ଷ୍ଟଲରେ 

ଜମିଥାଏ ଭିଡ଼ ବଡ଼ି ସକାଳରୁ । 

ସମସ୍ତେ ଓଡ଼ିଥାନ୍ତି ସ୍ପେଟର, ମଫୁଲର 

ଜ୍ୟାକେଟ, ଯେତକ ଗରମ ପୋଷାକ

ଆଉ ପ୍ରତୀକ୍ଷା କରିଥାନ୍ତି, 

ସକାଳର ସୂର୍ଯ୍ୟଦୋୟର 

ସୁକୋମଳ ଉଷୁମ ସ୍ପର୍ଶ ।

ଶୀତ ସକାଳର ସ୍ପର୍ଶ 

ମୁଗ୍ଧ ଏକ ଶୀହରଣ 

ମନରେ ଆଣେ କମ୍ପନ, 

ହୃଦୟରେ ଇଚ୍ଛାଟିଏ ଜାଗେ 

ଅନୁଭବିବାକୁ କାହାର ଉଷ୍ମ ଆଲିଙ୍ଗନ  ।