ଶହିଦ ଲକ୍ଷ୍ମଣ ସ୍ମରଣେ

ସ୍ନେହେ ପ୍ରେମ ଏବେ ମଣିଷ ମନରୁ 

ଧିରେ ଧିରେ ଚାଲି ଯାଏ,

ଟଙ୍କା ଓ ସ୍ବାର୍ଥ ସର୍ବସ୍ୱ ଏ ମଣିଷ ନିତି 

ଧ୍ବଂସର ଗଜଲ ଗାଏ  |୧|

ଖେଳୁଛନ୍ତି ରକତର ହୋଲି ଦେଖ ଆଜି

ସଭ୍ୟ ମାନବ ମାନେ,

ବିପଦର ବହ୍ନି ଜଳାନ୍ତି ଜଗତେ ଜାଳିବାକୁ 

ସରବ ଜନେ |୨|

ସାମ୍ରାଜ୍ୟବାଦୀ ମାନେ ଧ୍ବଂସର ଗଜଲ

ଗାଇ ବୁଲୁଛନ୍ତି

ପରମାଣୁ ଅସ୍ତ୍ରରେ ବିଶ୍ବକୁ ନିଜସ୍ୱ ଦେଶର

କରାଗତ ଭାବୁଛନ୍ତି |୩|

ମହଙ୍ଗାର କଷ୍ଟ କାହିଁକି ଲାଗିବ, ଯିଏ 

ଟଙ୍କା ଥଳି ଧରି ବସିଛନ୍ତି 

ଶ୍ରମଜୀବି ଜନତା ସଠିକ ପଥ ପାଏନି 

ଦୁଃଖରେ ତ ହଜି ଯାଉଛନ୍ତି |୪|

ଦେଖ ଗଣତନ୍ତ୍ର ବନ୍ଧା ହୋଇଛି କିଛି 

ଦଲାଲଙ୍କ କବଳରେ

ନୃପତି, ତାଙ୍କ ଚେଲାମାନେ ଧାଆଁନ୍ତି 

ନିଜ ସ୍ୱାର୍ଥ ହାସଲରେ  |୫|

ମନେ ସ୍ୱାର୍ଥ ଅହମିକା ହିଂସା ଦ୍ୱେଷରେ

ସାଜଛନ୍ତି କିଛି ମଣିଷ ଘାତକ,

ନିର୍ନୀମେଷ ନେତ୍ରେ ରହଛି ଗରିବ ଜନତା

ଯେସନେ ରହେ ଚାତକ |୬|

ମରିନାହଁ ହେ ଶହୀଦ ଲକ୍ଷ୍ମଣ, ତୁମେ ବଞ୍ଚିଛ 

ପ୍ରତି ବିପ୍ଳବୀର ରକ୍ତ କଣିକାରେ,

ଭବିଷ୍ୟତ ଏବେବି ଇନକ୍ଲାବ୍ ସ୍ବରରେ, ଫୁଟି 

ଉଠୁ ପ୍ରତି ଭାରତୀୟ ହୃଦୟରେ |୭|

ଶୁଣାଇବ ନାହିଁ ଆଉ କି ଥରେ, ହେ ଲକ୍ଷ୍ମଣ 

ସେ ବଜ୍ର କଣ୍ଠର ଆହ୍ୱାନ,

ପ୍ରତ୍ୟେକ ଭାରତୀୟ ହୃଦୟରେ ଅର୍ପିବ ନାହିଁ 

କି ସ୍ୱାଧୀନତାର ସମ୍ମାନ  |୮|

ଆଜି ଦିନରେ ବୀର ବିପ୍ଳବୀଂକୁ ସାରା 

ଭାରତ ରହିଛି ଅନେଇ,

ସ୍ମୃତିକୁ ଝୁରିଲେ ବିପ୍ଲବୀ ଆସିବେ, ନୁଆ 

ଦେହକୁ ନେଇ |୯|