ଶେଷ ଠିକଣା

ମଶାଣୀଟା ଅଟେ ଶେଷ ଠିକଣା ଯେ

କାହିଁକି ବଇଆ ହୁଅ

ଛଖଣ୍ଡ ବାଉଁଶ କୋକେଇଟା ପରା

ଶେଷ ବେଳେ ତୁମ ନୁହଁ ।

କାହିଁକି ସଞ୍ଚୁଛ ଅମାପ ଧନକୁ

କାହାର ପକେଟ କାଟି

କେହି ଯିବେ ନାହିଁ ସାଥିରେ ତୁମର

ପିଆଇବେ ନାହିଁ ବାଟି ।

ସମସ୍ତେ ଖୋଜିବେ ଖଣ୍ଡିଆ ଛତାଟି

କୋଉଠି ରହିଲା ଯାଇ

ମଲା ବେଳେ ପରା ସେହି ଛାତଟିକୁ

ଥୋଇବେ ମୁଣ୍ଡରେ ନେଇ ।

ଛିଣ୍ଡା ମଶିଣାଟି ଖୋଜିବେ କେଉଁଠି

ପଡିଥିବ ବଡ଼ିଆଡେ

ସେହି ମଶିଣାକୁ ପକେଇବେ ଆଣି

ବାନ୍ଧିଥିବା କୋକେଇରେ ।

ନିଜ ଉପାର୍ଜନେ ଯାହାବି ରଖୁଛ

ନିଜ ପରିବାର ପାଇଁ

ରଖୁଥିଲେ ତାହା ପରିବାର ତୁମ

ସୁଖରେ ପାରିବ ଜିଇଁ ।

ଅନ୍ୟକୁ କାନ୍ଦେଇ କାହିଁକି ସଂଚୁଛ

ତାଙ୍କୁ କଂଦେଇବା ପାଇଁ ।