ଶେଷ ପ୍ରଶ୍ନ
ଶେଷ ପ୍ରଶ୍ନ
ଉତ୍ତର ଦିଅହେ ମୋର ଶେଷ ପ୍ରଶ୍ନ
ପ୍ରାଣ ଯିବ କେବେ ମୋର
କେବେ ଏ ମିଶିବ ଅଙ୍ଗେ ତୋର ଯାଇ
କହି ଦିଅ କାଳ ତାର !
ଉତ୍ତର ଦିଅହେ
ବୃଦ୍ଧ ଏ ବୟସ ଦୁର୍ବଳ ଶରୀର
ମୁହିଁ ଗୃହ ପାଇଁ ଭାର
ନହୁ ପରାଧୀନ ଏ ଜୀବନ ମୋର
ଏତିକି କରୁଣା କର !
ଉତ୍ତର ଦିଅହେ
ଜାଣି ପାରୁ ନାହିଁ ମାୟା ଏ ସଂସାର
ଦେଖୁ ତୁ ଚକାନୟନେ
ଆରାଧ୍ୟହେ ମୋର ଚିନ୍ତାହିଁ ତୋହର
ଜାଗ୍ରତ କିବା ସୟନେ !
ଉତ୍ତର ଦିଅହେ
ଏ ଜୀବନ ତୋର କରେ କର୍ମ ତୋର
ଜ୍ଞାନ ଯା ଦେଇଛୁ ତୁହି
କର୍ତ୍ତବ୍ୟରୁ ତିଳେ ଦୂର ହୋଇ ନାହିଁ
କରୁ ଅଛି ପ୍ରେମ ରହି !
ଉତ୍ତର ଦିଅହେ
ଏ ଭବ ସଂସାରେ ନୁହେଁ ଟି କାହାର
ଦେଖି ଅଛି ତାହା ନେତ୍ର
ସ୍ଵାର୍ଥର ପାଇଁ ରେ ସମ୍ପର୍କ ଅପାର
କିବା ଅଭିନୟ ମାତ୍ର !
ଉତ୍ତର ଦିଅହେ
ସବୁତ ଜାଣୁଛୁ ସବୁତ ଦେଖୁଛୁ
କହିବି ବା ତାହା କେଉଁ
ପ୍ରଭୁ ଜଗନ୍ନାଥ ଗୁହାରି ଏତିକି
ଇଚ୍ଛା ମୋର ଶେଷ ଯେଉଁ !
ଉତ୍ତର ଦିଅହେ
ପ୍ରାଣ ଯାଉ ଥିବ ମୁଖେ ଥିବ ନାମ
ଦେଖୁ ଥିବି ତୋର ରୂପ
ଶେଷ ସେ ସମୟ କହି ଦିଅ ନାଥ
ରୂପରେ ତୁହି ସ୍ବରୂପ !
ଉତ୍ତର ଦିଅହେ
କୃଷ୍ଣ ରୂପ ଧରି ଧର୍ମର ସ୍ଥାପନା
ଯୁଦ୍ଧ ଯେ ମହାଭାରତ
ରାମ ରୂପ ଧରି ରାବଣ ମାରିଲ
କାଳିଆ କାହ୍ନୁ ତୁମେତ !
ଉତ୍ତର ଦିଅହେ
ଶେଷ କାଳେ ମୁଖେ କୃଷ୍ଣ ରାମ ନାମ
ଅବା ଗୁଞ୍ଜୁ ଜଗା ଜଗା
ଜଗା ମୋ ଠାକୁର କର ଅନୁଗ୍ରହ
ନ ଦେବୁ କାଳିଆ ଦଗା !
ଉତ୍ତର ଦିଅହେ