Library
ଶେଷ ଫଗୁଣ ଚିଠି
ଶେଷ ଫଗୁଣ ଚିଠି
ଫଗୁଣ ବିତୁଛି ଆତୁରୀତ ମନ
ଦେଖିବି କିପରି ତତେ,
ରହି ଅଛୁ ଘରେ ସନ୍ତାନ ଧରିଣ
ଛୁଟି ମିଳୁ ନାହିଁ ମତେ ।
କାର୍ଯ୍ୟରୁ ଆସିଛି ବିଶ୍ରାମ କରୁଛି
ଲେଖୁ ଅଛି ଚିଠି ମୁହିଁ,
ଦୁର୍ଭାଗ୍ୟ ଟି ଦେଖ ହୀନ କପାଳିୟା
ଚିନ୍ତାରେ ଅଛିଟି ମୁହିଁ ।
ଫଗୁଣ ବିତୁଛି ଯାଇ ପାରୁ ନାହିଁ
ତୋର ରୂପ ନାଚେ ନେତ୍ରେ,
ଅସ୍ଥିର ହେଉଛି ମନ ପ୍ରାଣ ମୋର
ନାଚୁଛୁ ସର୍ବାଙ୍ଗ ଗାତ୍ରେ ।
ଅଦୃଶ୍ୟ ରୋଗର ତାଣ୍ଡବର ନୀଳା
ଆବିର୍ଭାବ ଦେଶ ମଧ୍ୟେ,
ମନା ହୋଇ ଅଛି ଯିବା ପାଇଁ କାହିଁ
କରୋନା ତାଣ୍ଡବ ମଧ୍ୟେ ।
ଚିଠି ଲେଖୁ ଅଛି ଅସ୍ଥିର ମନରେ
ଟେଲିଫୋନ କରୁ ନାହିଁ,
ହୃଦୟ ଯନ୍ତ୍ରଣା ଚିଠିରେ ଲେଖୁଛି
ଧ୍ୟାନ ଦେବୁ ପ୍ରୀୟେ ତହିଁ ।
କିପରି ଅଛନ୍ତି ସନ୍ତାନ ଆମର
କହି ଦେବୁ ଟେଲିଫନେ,
କିପରି ରହିଛୁ ବୁଝି ପାରୁ ନାହିଁ
ଚିଠିରେ ଲେଖିବୁ ଧ୍ୟାନେ ।
ଫଗୁଣ ବିତିଲା ଆଉ କେତେ ଦିନ
ରହିବାକୁ ହେବ ଏଠି,
କି ପରି ଦେଖିବି ତହରି ମୁଖକୁ
ଦୁଃଖିତ ମନ ମୋ ଏଠି ।
ସନ୍ତାନଙ୍କ ମୁଖ କିପରି ଦେଖିବି
ଝିଅ ହିଁ ଅଛିତ ଭଲ
ପୁଅ ରାମୁ ଆମ କିପରି ଅଛଟି
କହିବୁ ତାହାରି ଭଲ ।
ପୁଲକିତ କରେ ଫଗୁଣର ଦୃଶ୍ୟ
ହୀନ କପାଳିୟା ଆମେ,
ପ୍ରଭୁଙ୍କ ଭିଆଣ ଅଦୃଶ୍ୟ ସମସ୍ୟା
କଷ୍ଟ ଦେଉ ଅଛି କର୍ମେ ।
ଫଗୁଣ ବିତୁଛି ଆତୁରୀତ ମନ
ଦେଖିବି କିପରି ତତେ,
ରହି ଅଛୁ ଘରେ ସନ୍ତାନ ଧରିଣ
ଛୁଟି ମିଳୁ ନାହିଁ ମତେ ।
