ଶେଷ ନିଷ୍ପତ୍ତି

ବାତାୟନ ପାର୍ଶ୍ୱରେ ଚହଟୁଥିଲା 

ଯନ୍ତ୍ରଣାର ଅତରରେ ଭିଜା ବୀତସ୍ପୃହ ନିଶ୍ୱାସ 

ଆଉ ସବୁ ତିକ୍ତ ଅତୀତ ସ୍ପଷ୍ଟ ହୋଇଯାଉଥିଲା 

ସ୍ମୃତିର ଶୁଭ୍ର ଆଇନାରେ ନିଜ ଶୈଳୀରେ 

ଜୀବନ ଯେମିତି ପାଲଟିଯାଇଛି ପ୍ରତିକୂଳ ସ୍ରୋତରେ ସଂଘର୍ଷର ନାଆ ପରି ,

ହୃଦୟର ନିଭୃତ କୋଣରେ ଅହରହ ଅବିଶ୍ରାନ୍ତ ଝଡ 

ଆଖିରୁ ବହିଯାଉଛି ଅମାନିଆ ସ୍ରୋତ 

ଯେମିତି ସେଇ ନଇ ବହି ବହି ସବୁ ବିଷାଦକୁ ପୋଛିଦେବାର ଦୃଢ଼ ସଂକଳ୍ପ ନେଇଛି 

ମନ ମୋର ସବୁକିଛି କଣ୍ଢେଇଧରି ଚିତ୍କାର କରୁଛି ବିଳାପର ରାଗିଣୀରେ ଭିଜା ଛନ୍ଦରେ ।।

ମିଥ୍ୟ।ର ଶିଳାରେ ସତ୍ୟର ବିଫଳ ସନ୍ଧାନ କରି କରି 

ଖୋଜି ପାଇଛି ହଜିଲା ସତ୍ୟକୁ ନିରୋଳା ଅନ୍ଧାରରେ 

ଶେଷ ନିଷ୍ପତ୍ତି ଆଜି ମୁଣ୍ଡ ଟେକିଛି ମୋ ତତଲା ନିଶ୍ୱାସର ଅନ୍ତରାଳେ 

ମୋ ଜୀବନ ଇତିହାସର ଶେଷ ପୃଷ୍ଠାରେ ଯେମିତି ଆଙ୍କି ହେଉ ଅନାଥାଶ୍ରମ ଏବଂ ଵୃଦ୍ଧାଶ୍ରମର କିଛି ସ୍ମୃତି 

ଆଉ ମୁଁ ଜୀବନକୁ ଆଉ ଥରେ ଜାଣିବାର ପ୍ରୟାସ କରୁଥିବି 

ସେମାନଙ୍କ ମଧ୍ୟରେ ଲୁଚିରହିଥିବା ରୁକ୍ଷ ବାସ୍ତବତା ମଧ୍ୟରେ ।।