ଶବର କୁଳର ଶ୍ରେଷ୍ଠ ନାଗର

ଶବର କୁଳର ଶ୍ରେଷ୍ଠ ନାଗର

ଆସୁଛି ରଥରେ କରି ହୁନ୍ଦର

ଦଇତା ପତି, ସେବନ୍ତି ନିତି

ଦାରୁବ୍ରହ୍ମ ରୂପେ ବିଜେ ଏଥର. l0l

ତାର ବଡଭାଇ ଅତି ସୁଧାର

ତାଳଧ୍ଵଜେ ଯାନ୍ତି ସେ ତର ତର

ଗେହ୍ଲେଇ ରାଣୀ, ତାର ଭଉଣୀ

ଦେବଦଳନରେ ମନଟି ତାର. l1l

ସାନ ଭାଇ ସେତ ବଡ଼ ଗେହ୍ଲାର

ନିତି ହଟ କୁଟ ତାର ବେପାର

ଭକତ ସାଥେ, ଆସେ ତ ରଥେ

କେତେ ଲୁଚକାଳି ଖେଳ ତାହାର. l2l

ଛିଞ୍ଚି ଦେଇଛି କି ପାଣି ମନ୍ତର

ନନ୍ଦିଘୋଷ ଆସେ ଅତି ମନ୍ଥର.

ଭେଉଁଛି କୁଟ, ଲଗାଇ ହଟ

ପଣ୍ଡା ଦଇତାଙ୍କୁ ଧରି ସାଥିର. l3l