ଶୈଶବ ଓ ଜୋତା
ଶୈଶବ ଓ ଜୋତା
କଲମ ବଦଳେ ଜୋତା ସେ ଧରିଛି
ହାତେ ଧରିଅଛି ଛୁଞ୍ଚି ।
ଖେଳିବା ବୟସେ ଘର ମୁଣ୍ଡ ବୋଝ
ସ୍ବପ୍ନ ଯାଏ ଘୁଞ୍ଚି ଘୁଞ୍ଚି ।।
ଅବୋଧ ବୁଝେନା ଲାଭ କିବା କ୍ଷତି
ବୁଝେନା କରମ କଣ ।
ହାତୁଡ଼ିରେ ଛେଚେ ଶୈଶବ ତାହାର
ପେଟ ପାଇଁ ଭାଇ ଜାଣ ।।
ଜୋତାରେ ପଲିସି କରୁଥାଏ ନିତି
ବର୍ଷା ଖରା ଶୀତ ବାର ।
ଇଚ୍ଛା ପଢିବାକୁ ଅର୍ଥା ଭାବ ତାକୁ
ସମୟ କରେ ପ୍ରହାର ।।
ରୁଦ୍ର ସିନା ଆଜି ସୁନ୍ଦର କରୁଛି
ଜୋତା ଘଷି କାର ବାର ।
ଭବିଷ୍ୟତ ତାର ହେବକି ଉଜ୍ବଳ
ଅନ୍ଧାର ହୋଇବା ସାର ।।
ଏମିତି ଅନେକ ରୁଦ୍ର ପରା ଆଜି
ଶୈଶବେ ଧରନ୍ତି କଣ ।
ଜୀବନ ତାଙ୍କର ହୁଏ ଚୁରୁମାର
ନ ହୋଇ ଉତ୍ତମ ଗଣ ।।