ଶାଶ୍ବତ ପ୍ରେମର ରଙ୍ଗ

ପ୍ରେମ ଏକ ଜୟ ଗୀତି ନୈରାଶ୍ଯ ଓ ଉଦାସୀ ଛାତିରେ,

ପ୍ରେମ ଏକ ଆରବ୍ଯ ରଜନୀ, ଜୀବନର ପହିଲି ପ୍ରୀତିରେ

ପ୍ରେମ ଏକ ରୂପ କଥା ମନ ତଳେ ସୁନା ଫରୁଆର,

ପ୍ରେମ ଏକ ଉଦବେଳନ ତରଙ୍ଗିତ ସ୍ମୃତି ଦରିଆର

ପ୍ରେମ ମେଘ ମେଦୁରିତ ଆକାଶ ର ଧାରେ ସୂର୍ଯ୍ୟ ଶିଖା,

ପ୍ରେମ ଏକ ଅକୁହା ଆବେଗ ହୃଦୟରେ ପ୍ରୀତି ମଧୁ ମଖା 

ପ୍ରେମ ବୁଢା ଶଙ୍ଖାରି ପ୍ରାଣର ଉବୁଟୁବୁ ଅସୀମ ମମତା 

ପ୍ରେମ ହିଁ ତ ପିତୃତ୍ବ ର ନିଦର୍ଶନ-ମାଳେ ନାଲି ଶଙ୍ଖା

ପ୍ରେମ ଏକ ରୋଗ ଶଯ୍ଯାପାର୍ଶ୍ବେବେଢିଥିବାକରୁଣଚାହାଣି, 

ପ୍ରେମ ଏକ ଆତ୍ମାର ଗ୍ରନ୍ଥ ରେ ଉଲ୍ଲିଖିତ ଦରଦୀକାହାଣୀ

ପ୍ରେମ ଏକ ତ୍ଯାଗର ନମୁନା ,ନଜିର ଯା'ଉତ୍କଳମଣି 

ପ୍ରେମ ହିଁ ତ ମନ୍ଦିର ବେଢାର ଅବାରିତ ସ୍ତୁତିଚିନ୍ତାମଣି

ପ୍ରେମ ଏକ ଅବିନାଶୀ ପ୍ରାଣମୟ ଜୀବନ ଆଧାର 

ପ୍ରେମ ପିଣ୍ଡ ବ୍ରହ୍ମାଣ୍ଡରେ ଓଁକାର ସ୍ବର ଦୁନିର୍ବାର

ପ୍ରେମ ପ୍ରତି ମରମକୁ ଛୁଉଁଥିବା କୋମଳ କବିତା

ପ୍ରେମ ଏକ ନିରନ୍ତର ପ୍ରସାରିତ ମଧୁମୟ ବାର୍ତ୍ତା