Library
Profile
ଶାଶ୍ୱତ ଝରଣାଟିଏ.. .
ଶାଶ୍ୱତ ଝରଣାଟିଏ.. .
ପ୍ରେମ ନୁହେଁ ଜମା ଅଢେଇ ଅକ୍ଷର କେଉଁ ଅଦେଖା ଆଖି ସପନ,
ପ୍ରେମ ନୁହେଁ ଜମା ଗୋପନ ରାଇଜ କେଉଁ ଅବୁଝା ଆଖି ମିଳନ |
ପ୍ରେମ ସେଇ ଯିଏ ହୃଦୟ ରାଇଜେ ଯେ ଅଲିଖିତ ଅଲେଖା ଗାର,
ପ୍ରେମ ସେହି ଯିଏ ଦୁଇଟି ଆତ୍ମାର ମଧୁର ସଂଗୀତର ନଈ ଧାର ||
ପ୍ରେମ ନୁହେଁ କେବେ ଦୁଇଟି ଦେହର ମିଳନ ଆତ୍ମ ତୃପ୍ତ ଅଭିମାନ,
ପ୍ରେମ ନୁହେଁ କେବେ ଜୀବନ ଯୌବନ ଅବା ଆତ୍ମ ତୁଷ୍ଟି ଅଭିଧାନ |
ପ୍ରେମ ହୁଏ ଯେବେ ହୃଦୟ ବକ୍ଷରେ ସେ ତ ଢେଉ ଜୁଆର ସମାନ,
ପ୍ରେମ ହୁଏ ଯେବେ ପ୍ରାଣର
ପୁଲକେ ଅଟେ ନୈସର୍ଗିକ ସଂବିଧାନ ||
ପ୍ରେମ ପ୍ରେମ ବୋଲି ଯାହାକୁ ଭାବୁଛ ସେ ପ୍ରେମେ ମଧୁରତା କାହିଁ,
ପ୍ରେମେ ପ୍ରେମ ହେଲେ ଦୁଇ ହୃଦୟରେ ସେ ଆବିଳତା ଚିହ୍ନ ନାହିଁ |
ପ୍ରେମ ନୁହେଁ କେଉଁ ଜୈବିକ ପିପାସା କ୍ଷଣେ କ୍ଷଣେ ଯେ ପ୍ରାପ୍ତ ହୁଏ
ପ୍ରେମ ନୁହେଁ ଜମା କେଉଁ ଯୌଗିକ ବିଷୟ ବାସନାରେ ତୃପ୍ତ ହୁଏ ||
ପ୍ରେମ ଶାଶ୍ୱତ ଝରଣାଟିଏ,ଝରି ଯାଉ ଥାଏ, ଅବୁଝା ହୃଦୟେ,
ଜୀବନ ସାଗର ତୀରେ |
ପ୍ରେମ ହୃଦୟ ଝରଣା ସିଏ, ଝରି ଝରୁ ଥାଏ, ମନର ମୁଲକେ, ଚିରନ୍ତନ ସ୍ରୋତ ଟିଏ ||
