ଲାଇବ୍ରେରୀ
ପ୍ରୋଫାଇଲ୍
ଶାନ୍ତି
ଶାନ୍ତି
1 min
237
ଶାନ୍ତି ଟିକେ ପାଇଁ ନିତି ଧାଇଁ ଧାଇଁ
ଫେରିଲି ମୁଁ ଖୋଜି ଖୋଜି
ଲୁହରେ ଭିଜିଲି ଜୁଇରେ ଜଳିଲି
ନିଜ ସାଥେ କରି ବାଜି।
ସଂସାର ଜଞ୍ଜାଳ ହୋଇଲା ପ୍ରବଳ
ନିଜ କଥା ଗଲି ଭୁଲି
କେମିତି ମୁଁ ଅଛି କେମିତି ବଞ୍ଚିଛି
କହି ନାହିଁ କାରେ ଖୋଲି,
ଅନେକ ଦିନରୁ ମୋର ଜୀବନରୁ
ଶାନ୍ତି ତ ଯାଇଛି ହଜି।
ଶାନ୍ତି ଟିକେ ପାଇଁ ନିତି ଧାଇଁ ଧାଇଁ
ଫେରିଲି ମୁଁ ଖୋଜି ଖୋଜି
ଶାନ୍ତି ମିଳେ ନାହିଁ ବଜାରରେ କାହିଁ
କିଣି ତ ଆଣିବା ପାଇଁ ।
ଶାନ୍ତିର ଠିକଣା ପଡ଼ିଲାଣି ଜଣା
କେହି ପାରିଲେନି କହି,
ଅଶାନ୍ତି ନିଆଁରେ ମୋ ନିଜ ଭିତରେ
ବଳି ପଡିଛି ମୁଁ ଆଜି,
ଲୁହରେ ଭିଜିଲି ଜୁଇରେ ଜଳିଲି
ନିଜ ସାଥେ କରି ବାଜି ।
