STORYMIRROR

Binodini Dash

Inspirational

4  

Binodini Dash

Inspirational

ଶାଗୁଣାର ଆଖି ପଚା ମଢ଼ରେ

ଶାଗୁଣାର ଆଖି ପଚା ମଢ଼ରେ

1 min
305


ଉଚ୍ଚ ତାଳ ଗଛେ ବସି ଲକ୍ଷ୍ୟ ଭେଦେ

ଶାଗୁଣାର ଆଖି ପଚା ମଢ଼ରେ

ତାହା ପାଇଁ ଯେଣୁ ପରିବେଶ ସଫା

ଉପକାରୀ ପକ୍ଷୀ ଧରା କୋଳରେ

ସେ ମାଂସାହାରୀର ସଂଖ୍ୟା କମନ୍ତି

ମାତ୍ର ବଢ଼ିଯା'ନ୍ତି ଶାଗୁଣା ସଦୃଶ

ନର ମାଂସ ଲୋଭୀ ମଣିଷ ଜାତି ।


ଚିଲ ଶାଗୁଣାର ଆଖି ପାଇଥାନ୍ତି

କଳାଧନେ ଥାଏ ଅଶେଷ ବଳ

ଝୁଣିଝୁଣି ଶୋଷି କଞ୍ଚା ରକ୍ତ ମାଂସ

ବାହାରେ ଦିଶନ୍ତି ସ୍ବଚ୍ଛ-ନିର୍ମଳ

ଭାବମୂର୍ତ୍ତି ଧରି ଗାଦିରେ ବସି

ଛଳ ଖୋଳପାରେ ମିଠା କଥା କହି

ଆନର ମନକୁ ଥାନ୍ତି ଆକର୍ଷି ।


ଉପକାର ବିନା ଯେତେ ଅମଙ୍ଗଳ

ହେଉଅଛି ଆଜି ତାଙ୍କରି ପାଇଁ

ନାରୀ ନିର୍ଯ୍ୟାତନା ଲୁଣ୍ଠନ ଶୋଷଣ

କଷଣେ ବି ପ୍ରକୃତି ବିଳାପଇ

ତୁଣ୍ଡ ଖୋଲି କିଛି ଲାଭ ବି ନାହିଁ

କେବଳ ଖବରକାଗଜ ପୃଷ୍ଠାରେ

ରହିଯାଏ ଦୃଶ୍ୟ ଅଦୃଶ୍ୟ ହୋଇ ।


ଘୋର କଳିକାଳ ଆସି ପହଞ୍ଚିଲା

ପ୍ରକୃତିରେ ଆଜି ପରିବର୍ତ୍ତନ

ମଢ଼ ପଚିପଚି ଦୁର୍ଗନ୍ଧ ବିତରେ

ଦୂର ସେଠୁ ଶାଗୁଣାର ନୟନ

ଏଥିପାଇଁ ଆମେ ନୁହେଁ କି ଦାୟୀ

ଡେଣାକୁ ମେଲାଇ ସ୍ବାର୍ଥ ପଛେ ଧାଇଁ

ପ୍ରକୃତ ସତ୍ୟଠୁ ଯାଉ ଦୂରେଇ ।।


ଏହି ବିଷୟବସ୍ତୁକୁ ମୂଲ୍ୟାଙ୍କନ କରନ୍ତୁ
ଲଗ୍ ଇନ୍

Similar oriya poem from Inspirational