ସେଥିପାଇଁ କଳା ରଙ୍ଗ

ଆତ୍ମା ଅବିନାଶୀ ତମସାରୁ ସୃଷ୍ଟି

  ନିଦେ ଅଚେତନେ ଯାହା 

ଆଲୋକ ଦୁନିଆଁ ଅଢେଇ ଦିନିଆଁ

  ଖୋଜେ ତମସାର ରାହା l0l

ଚକ୍ଷୁ ମୁଦି ଦେଲେ ଘୋର ଅନ୍ଧକାରେ

  କାଳ ରୂପେ ଦିଶେ କଳା 

ସେ କାଳପୁରୁଷ କେ ନୁହେଁ ଦେବେଶ

  ତୁମେ ପ୍ରଭୁ ଚକାଡୋଳା 

ସେଥିପାଇଁ ତୁମେ ରତନ ବେଦିରେ

  କଳା ରଙ୍ଗେ ଚଉବାହା l1l

ପାର୍ଥିବ ଶରୀର ରାଜ ସୁଖ ଯାର

  ପଞ୍ଚ ଇନ୍ଦ୍ରିୟରେ ଛନ୍ଦି 

ତା ମଧ୍ୟରେ ଆତ୍ମା ଅନ୍ଧାରି ଦେବତା

  ଥାଏ ହୃଦୟରେ ବନ୍ଦୀ 

ବାସ ତା ଅନ୍ଧାରେ ମିଶେ ସେ ଅନ୍ଧାରେ

  ଅନ୍ଧାର ତାହାର ସାହା l2l