Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Jogeswar Gahir

Inspirational Others

3  

Jogeswar Gahir

Inspirational Others

ସେନେହର ସାଗର ସେ ମା

ସେନେହର ସାଗର ସେ ମା

1 min
216



ମାଆ ର ମମତା କେହି ନ ବୁଝନ୍ତି 

ଏ କଳି ଯୁଗର ମଣିଷ 

ତାକୁ ସଦାବେଳେ ହୀନା ବୋଲି ଭାବି 

ଦିଅନ୍ତି ଅନେକ କ୍ଲେଶ । 

ଆମକୁ ଯିଏ ସେ ସେନେହ ଆଦରେ 

ଗଢ଼ି ତୋଳି ବଡ଼ କଲା 

ସୁଖ ତ ତାହାକୁ ମାୟା ମରୀଚିକା 

ଦୁଖ କଷ୍ଟ ଗ୍ରାସ କଲା । 

ଗରଭେ ନିଜର ରଖିଥିଲା ସିଏ 

ଦଶମାସ ଦଶଦିନ 

କ୍ଷଣିକ ସୁଖରେ ଭୁଲିଲ ତାହାକୁ 

କରିଦେଇ ହୀନିମାନ ।

ଶୁଖାଇ ନିଜର ତଣ୍ଟିକୁ ତାହାର 

ତୋ ତୁଣ୍ଡରେ ଦାନା ଦେଲା 

ଖାଇବାକୁ ଆଜି ଗଣ୍ଡେ ପାଇ ତୁହି 

କବାଟ କିଡିଲୁ ଭଳା । 

ଛିଣ୍ଡା ବସନ ଟେ ନିଜେ ଢାଙ୍କି ହେଇ 

ତୋ ପାଇଁ ନୂଆ ସେ କିଣିଲା 

ପିନ୍ଧିବାକୁ ଆଜି ପାଇଗଲୁ ବୋଲି

ତାକୁ କରିଦେଲୁ ହେଳା । 

କେତେ କେତେ ରାତ୍ରି ଅନିଦ୍ରା ବିତେଇ 

ତୋ ଆଖିରେ ନିଦ ଦେଲା 

ଦୁଃଖରେ ଆଜି ସେ କାନ୍ଦୁ ଅଛି ବୋଲି 

ଘରେ କରୁ କାଇଁ ପାଲା. । 

ତୋ ପଛେ ଏମିତି ବିତେଇ ଦେଇଛି 

କେତେ ଦିନ ମାସ ବରଷ 

ତାକୁ କାଇଁ ଆଜି ଏଡେଇ ତୁ ଦେଇ 

ସ୍ତ୍ରୀ ସାଥେ ହେଉ ହରଷ । 

ଦିନରାତି ଖଟି ରୋଜଗାର କରି 

ତୋ ସୁଖେ ଦେଲା ସେ ବଳୀ 

ସାଙ୍ଗସାଥୀ ମେଳେ ପରିଚୟ ଦେଉ 

ନିଜ ଚାକରାଣୀ ବୋଲି । 

ମାଆର ମମତା ସଉଭାଗ୍ଯ ବୋଲି 

ଆଜି ତୁ ଏମିତି ହସୁଛୁ

ଏ ମମତା ଯମା ପାଇ ନାହିଁ ଯିଏ 

ତା ଆଖିରେ ଲୁହ ଦେଖିଛୁ । 

ବୁଝିଯାରେ ତୁହି ମାଆର ମମତା 

ତରି ଯିବୁ ଏହି ସଂସାରୁ 

ମାଆ ତ ମୁକତି ମାଆ ତ ଶକତି

ତା ପାଇଁ ଆଦର ନ ସରୁ । 


Rate this content
Log in