ସେଇ ବର୍ଷା ରାତି
ସେଇ ବର୍ଷା ରାତି
ସେଇ ବର୍ଷା ରାତି ମନେ ଅଛି ସାଥି
ପ୍ରୀତିର ଅର୍ଘ୍ୟ ବାଢିବୁଢ଼ି
ଝରକା ସେପଟେ ଜହ୍ନ ଦିଶୁଛି ଆଜି
ସମୟଚକ୍ରରେ ଧରି ବାଡ଼ି
ଇନ୍ଦ୍ରଧନୁର ଛତା ସାଥେ ସ୍ବପ୍ନ ଦେଖାଇ
ଗଲ ଯେବେ ସ୍ମୃତି ଛାଡ଼ି
ସହରରେ ତମାମ ଗହଳି ଭିତରେ
ଶୂନ୍ୟମନେ ଫୁଟୁନି ଫୁଲକଢି
ବେପଥୁ ଜାଗିଲେ ପିୟୁଷ ମାଖୁଛି
ବରଷା ଆଣୁଛି ଫୁଲଝଡି
ସେଇ ବର୍ଷା ଆଣେ ରାତି ସାଥେ ସ୍ମୃତି
ଝାଉଁଳି ଗଲାଣି ହୃଦେ କଢି ବଢ଼ି
ଜଗନ୍ନାଥ ଯେବେ ଏବେ ସହାୟ ହେବେ
ଧରିବିନି ଆଉ ଆଶା ବାଡ଼ି
ବାଡ଼ି ଅଗଣାରେ ବର୍ଷା ରାତିରେ
ଫୁଟିବ ବ୍ରହ୍ମକମଳ ଡେଣା ଝାଡ଼ି
ଅସରନ୍ତି ସ୍ବପ୍ନ ଆଣିବନି ତୁମ ସ୍ମୃତି
ଜଗନ୍ନାଥ ଥିବେ ମନ ପେଡି
ସ୍ବପ୍ନ ଦେଖି ଲାଭ ବା କଣ ବୁଝିବାରେ
ଖେଳ ବେଳର ଶେଷ ଖଇ କଉଡ଼ି
ଦିନ ଆଣୁଥିବ ଶ୍ରମ ଓ ସାର୍ଥକତା ଯେତେ
ରାତିରେ ପା ଥିବ ପଦ୍ମଭାଡ଼ି ।