ସେଡିଶନ ଧାରା ହଟାଅ
ସେଡିଶନ ଧାରା ହଟାଅ
ମଣିଷ ରୀତିମତ ଶତରଞ୍ଜ ଖେଳ ଖେଳେ
ସୈତାନ୍ ଆଉ ବହୁରୂପୀ ରୂପ ମଧ୍ୟରେ
ଅଯଥା ଯୁକ୍ତି ଅନ୍ଧତ୍ୱକୁ ହେତୁବାନ୍ ମାନେ ମଥା
ପାତି ଗ୍ରହଣ କରନ୍ତି ନାହିଁ ସହଜରେ |୧|
ଅନ୍ଧ ବିଶ୍ୱାସୀ ଯେତେ ସର୍ବଦା ସହିଥାନ୍ତି ବିଭତ୍ସ
ଶୋଷଣ, ମାନସିକ ଅତ୍ୟାଚାର ନୀରବରେ
ବିପ୍ଳବୀ ଯଥାର୍ଥତାର ହାସଲ ପାଇଁ ବିଦ୍ରୋହ କରି
ଥାଏ ପ୍ରତିକୂଳ ପରିସ୍ଥିତି ପରିପ୍ରେକ୍ଷୀରେ |୨|
କଅଣ ପାଇଁ ବିପ୍ଳବୀ ମୁଣ୍ଡପାତି ଶୁଣିବ ଓ ସହିବ,
ଡରିବନି ନ୍ୟାୟ ପଥରେ ଚାଲିବାକୁ
ଦୃଢ ହୋଇ ଚାଲିଲେ, ମିଶି କରି ଲଢିଲେ, ସର୍ବେ
ବୁଝିବେ ପୁଞ୍ଜିବାଦର ଯେତେ ଚାଲ୍ ଗୁଡିକୁ |୩|
ଆତ୍ମ ସମ୍ମାନ ବୁଝେ ଯାହାର ଥାଏ ମଣିଷତ୍ୱ ବିବେକ,
ଫରକ୍ ବାଛେ ବିକୃତଜୀବି ଓ ମଣିଷ ଭିତରେ
କିଏ ବନ୍ଧୁ, କିଏ ଦରଦୀ, କିଏ ସୈତାନ୍ ହୋଇ ସୃଷ୍ଟି
କରେ ଭେଦଭାବ ନିଜ ସ୍ୱାର୍ଥ ହାସଲରେ |୪|
ଅନ୍ୟାୟ ବିରୁଦ୍ଧରେ ମନରେ ଆସେ ଝଡ଼, ମନେ
ରଖ ବିପ୍ଳବୀ ନୁହେଁ ତ କାହାରି ଛାୟା
ଏକ ରୂପରେଖ ନିଜ ଭିତରେ ଅତ୍ୟାଚାର ବିରୁଦ୍ଧେ
ଡାଇନାମାଇଟ୍ ପରି ସାଇତି ଥିବା ତେଜସ୍କ୍ରିୟା |୫|
ଅନାଚାର ବିରୋଧରେ ପ୍ରତିବାଦକୁ ବିଦ୍ରୋହ କହିବା
ପୁଂଜିବାଦର ଏକ ସାମ୍ପ୍ରତିକ ଢାଲ ଏବେ
ପିଂଗଳ କୋଡର ସେଡିଶନ ୧୨୪ କ ଧାରାକୁ, ଦିନ
ଆସିବ ସେ ଢାଲର ଦୁର୍ବିନିଯୋଗ ଲୋକ ବୁଝିବେ |୬|