ସେବାଧର୍ମୀ ସତ୍ୟସାଇ

ବୈକୁଣ୍ଠେ ମୋହର ବାସ ନାହିଁ କେବେ

ମନ୍ଦିର,ଯୋଗୀ ହୃଦୟ l

ସେହିଠାରେ ବାସ ଯେଉଁଠାରେ ମୋର

ଭକ୍ତ କରେ ଜୟ ଜୟ l

ସର୍ବ ଘଟେ ଯେଣୁ ବିରାଜ ମୋହର

ସେହି ଅଟେ ଭକ୍ତ ଜନ l

ସବୁରି ଅନ୍ତର ଚିହ୍ନି ଥାଏ ଯିଏ

ପର ପାଇଁ କାନ୍ଦେ ପ୍ରାଣ l

ଭଗବାନ ଦିନେ ଗୀତାରେ ଏକଥା

ପାର୍ଥଙ୍କୁ ଥିଲେ ବୁଝାଇ l

କଳିଯୁଗେ ଯାହା ଅନୁଭବି ଥିଲେ

ମହାସନ୍ଥ ସତ୍ୟ ସାଇ l

ନର ଦେହେ ସଦା ନାରାୟଣ ବିଜେ

ନର ସେବା ନାରାୟଣ l

ନର ସେବା ଧର୍ମ, ନର ସେବା କର୍ମ

ହୁଅ ସେବା ପରାୟଣ l

ବାବା ସତ୍ୟ ସାଇ ସେବାର ମୂରତି

ସେବା ଧର୍ମ ତାଙ୍କ କୀର୍ତ୍ତି l

ପ୍ରଶାନ୍ତି ନୀଳୟ ସେବାର ମନ୍ଦିର

ଗାଉଅଛି ପୁଟ୍ଟପର୍ତ୍ତୀ l

ମନୁଷ୍ୟ ହୃଦୟେ ସଦା ଜାଗୁ ପ୍ରଭୁ

କରୁଣା ମାନବ ପ୍ରୀତି l

ଜୟ ସତ୍ୟସାଇ କରୁଣାବତାର

ଦିଅ କୈବଲ୍ୟ ବିଭୁତି l