ସେବା ଉତ୍କର୍ଷତା
ସେବା ଉତ୍କର୍ଷତା
ସେବାଧର୍ମୀ କର୍ମୀ ସସ୍ମିତା ଦୁଲଣି
ଆଦର୍ଶର.ବାର୍ତ୍ତାବହ;
କର୍ତ୍ତବ୍ୟକୁ ବ୍ରତ ମଣିଚିତ. ସତ
ହୃଦୟେ ଭରିଛି ସ୍ନେହଁ !!
ସେବା ଉତ୍କର୍ଷତା ମନରେ ସଦିଚ୍ଛା
ସସ୍ମିତା ଜୀବନ ଧାରା ;
ସେବାବ୍ରତୀ ହୋଇ ନିମ୍ନପଦେ ଥାଇ
ମନ ମୋହିନେଲା ପରା !!
ଭାବନା ସରାଗୀ ସୁନାଝିଅ ଖୁସୀ
ଆରକ୍ଷୀ ସେବାର ଜ୍ଯୋତି ;
ଆଦର୍ଶର ଛବି କର୍ତ୍ତବ୍ୟ ବିଭବି
ଅରଜିଚି ସତେ ଖ୍ୟାତି !!
ସେବା ପରାୟଣା ଦୁର୍ଲ୍ଲଭା ସସ୍ମିତା
ଭିନ୍ନତାର. ଚିରଛବି ;
କୋଟିଏ ଭିତରେ ବାରିହୋଇ ପଡେ
ସହକର୍ମୀ ଅନୁଭବି !!
ଟ୍ରାଫିକ ସେବାରେ ଥାଇ ନିରନ୍ତରେ
ଦୃଷ୍ଟି ଆକର୍ଷଣ କଲା ;
ପ୍ରଶଂସାର ପାତ୍ରୀ ସାଜିଲା ଦୁଲଣୀ
ସ୍ଵୀକୃତି ହାତେଇ ନେଲା !!
ସମୟାନୁବର୍ତ୍ତିତା କର୍ମନିପୁଣତା
ସଫଳତା ମୂଳମନ୍ତ୍ର.;
ଏକଥାକୁ ହେଜି କାର୍ଯ୍ୟକରେ ଖୁସୀ
ଉଚ୍ଚ ଅଧିକାରୀ ପ୍ରୀତ. !!
କିବା ଖରାବର୍ଷା ରାଜକା6ର୍ଯ୍ୟ. ଇଚ୍ଛା
ସସ୍ମିତା ଜୀବନ ଗୀତା. ;
କରିଛି ଶପଥ ହେବନି ବିଚ୍ୟୁତ
ହେବସେ ଜଗତ ଜିତା !!
ସେବା କାର୍ଯ୍ୟ ଦେଖି ଉଚ୍ଚ ଅଧିକାରୀ
ସୁପାରିଶ କଲେ ନାମ. ;
ଆରକ୍ଷୀ ପଦକ ପାଇବାକୁ ଯୋଗ୍ୟ
ସସ୍ମିତାହିଁ ସର୍ବୋତ୍ତମ. !!
ଦୈତ୍ୟ ନଗରୀର. ଏମହିଳା ସେବକ
ଉତ୍ସର୍ଗୀକୃତର. ମିତ. ;
ପ୍ରେରଣାର ଉତ୍ସ. ସାଜିଛିତ ଆଜ
କର୍ମେ ଆଗଭର ସତ. !!
ଦୈତ୍ୟ ନଗରୀର ଆରକ୍ଷୀ ଆୟୁକ୍ତ
ପ୍ରିୟଦର୍ଶି ହେଲେ ପ୍ରୀତ ;
ସମର୍ପଣ କଲେ ଆରକ୍ଷୀ ପଦକ
ଖୁସୀ ହେଲା ଖୁସି ସତ ! !
ବର୍ଣ୍ଣାଢ଼୍ୟ ଉତ୍ସବେ ଖୁସୀ ନାମ ଭାସେ
ପଦବୀ ନୁହଁଇ ଛୋଟ. ;
କର୍ମକର ହସି ଏକାଗ୍ରତା ରଖି
ସଫଳତା ହେବ ଭେଟ. !!
ଆହେ ଜଗନ୍ନାଥ ଜଗତର ନାଥ
ତୁମ୍ଭରୀ ସୁକନ୍ୟା ଖୁସୀ ;
ଜୀବନ ସଂଗ୍ରାମେ ଥାଉସେ କୁଶଳେ
ସୁକଲ୍ୟାଣ କର ହସି !!