ଲାଇବ୍ରେରୀ
ପ୍ରୋଫାଇଲ୍
ସେ ନାରୀ
ସେ ନାରୀ
1 min
206
ଅଭିଯୋଗର ଲମ୍ବା ଚିଠା ଧରି
ପୁରୁଷ କରୁଛି ବିଚାର,
ଅପରାଧ କାଠଗଡ଼ାରେ ବସିଛି
ନାରୀଟିଏ ହୋଇ ନାଚାର।
ନୀତି ନିୟମର ବେଡିରେ ସେ ବନ୍ଧା
ନାରୀଟିଏ ବୋଲି ସିନା,
ପୁରୁଷ ପୁଅକୁ ସର୍ବକ୍ଷମା ମିଳେ
ଦାଗ ଲାଗିଲେ ବି ସୁନା।
କାହିଁକି ବୋଲି ସେ କରିନାହିଁ ପ୍ରଶ୍ନ
ମଥାପାତି ସବୁ ସହେ,
ପୁରୁଷ ଦେଖାଏ ପୌରୁଷ ଅଙ୍ଗୁଳି
ନିଜେ ନିଷ୍କଳଙ୍କ ରହେ।
ଜାଣେନା ଏ ମଥା ଉଠିଗଲେ ଥରେ
ପ୍ରଳୟର ଧାରା ବହିବ,
ଶକ୍ତି ଆଗେ ଶକ୍ତି କଲେ ପ୍ରଦର୍ଶନ
ଶେଷେ ପରାଭବ ଲଭିବ।
