ସେ ମାଆ

ସ୍ନେହମୟୀ ପୁଣି ମମତାମୟୀ ସେ 

ସୁଖ ସରାଗ ସାଗର ,

ସୃଷ୍ଟି କର୍ତ୍ତା ପୁଣି ଜନ୍ମଦାତ୍ରୀ ସିଏ

ମାଆ ଅଟେ ନାମ ତାର ।

ସତ୍ଯ ଧର୍ମ କର୍ମ ତାର ପରିଚୟ

ମହାନ ଅଟେ ତା ନାମ ,

ସରଗଠୁ ବଡ଼ ତା ପଣତ କାନି 

ଅଟେ ସେ ଧରଣୀ ସମ ।

ରକ୍ତ ମାଂସ ଦେଇ ଗଢିଛି ଆମକୁ 

ଆମେ ତା ଶରୀର ଅଂଶ ,

ନିଜେ କଷ୍ଟ ସହି ଆମକୁ ହସାଏ

ଥାଏ ଅମାପ ସାହସ ।

ତା' ପଣତ ତଳେ ସୁଧା ମନ୍ଦାକିନୀ

ବହୁଥାଏ ଅବିରତ ,

ତା' ଚରଣ ତଳେ କରୁଥିବି ମୁହିଁ

କୋଟି କୋଟି ପ୍ରଣିପାତ ।

ସନ୍ତାନ ପଥକୁ କୁସୁମିତ କର 

ଢାଳି ତୁମ ସ୍ନେହ ପ୍ରେମ,

ସନ୍ତାନ ପାଇଁକି ଅମୂଲ୍ୟ ସମ୍ପଦ 

ଅଟଇ ତୁମରି ନାମ ।