ସଦଗୁରୁ ସାଇ
ସଦଗୁରୁ ସାଇ
ସବୁରି ମୁହଁରେ ତୁମରି ନାମ
ଥରେ ଡାକିଦେଲେ ବୈକୁଣ୍ଠେ ସ୍ଥାନ
ଶିରିଡିରେ ଥାଇ ସବୁଠାରେ ଥାଅ
କିଣିନେଲେ ବାବା ସବୁରି ମନ,
ଜୟ ସାଇରାମ ଜୟ ସାଇରାମ
ଜୟ ସାଇ ତୁମେ ସ୍ୱୟଂ ଭଗବାନ, l0l
ପୁରୁଷ ପରମ ସଦଗୁରୁ ଉତ୍ତମ
ତୁମେ ରାମ ତୁମେ ଶ୍ୟାମ,
ରୋଗ ମହୌଷଧି ଅଟ ବାବା ତୁମେ
ଅବା କୁମାର ଅଶ୍ବିନ,
ତୁମେ ଧର୍ମବୀର ହୋଇଲ ଫକୀର
ଜଗତେ ରଖିଲ ସବୁ ଅଗୋଚର,
କିଏ ତୁମ ପିତା କିଏ ତୁମ ମାତା
କେଉଁଠି ତାଙ୍କର ଧାମ,
ସାଇ ତୁମେ ପରଂବ୍ରହ୍ମ, l1l
ଜୈନ ଖ୍ରୀଷ୍ଟିଆନ ଈଶ୍ୱର ଯେ ଏକ
କିବା ହିନ୍ଦୁ ମୁସଲମାନ,
ତୁମେ ଆଲ୍ଲା ଯୀଶୁଖ୍ରୀଷ୍ଟ ଓ ରହିମ
ସମନ୍ୱୟ ସର୍ବ ଧର୍ମ,
ଆବିର୍ଭାବେ ପାପ ହୁଅଇ ମୋଚନ
ଯଥା ତମ ନାଶେ ସୁରୁଜ କିରଣ,
ବାଣୀରୁ ଅମୃତ ମହଣ ମହଣ
ଶ୍ରଦ୍ଧା ସବୁରି ଜୀବନ,
ଦେଇ ବାବା ଦରଶନ, l2l