ସବୁଠୁ ସୁନ୍ଦର ତୁମେ

ତୁମକୁ ଯେଦିନ ପ୍ରଥମେ ଦେଖିଲି

ସ୍ଥିର ହେଇଗଲା ଆଖି

ବୁଝିଗଲି ମନେ ସପନେ ତୁମକୁ

ଡାକିଥିଲି ଦିନେ ସଖୀ I

ଆଖି ପୁରିଗଲା ମନ ବୁଝିଗଲା

ସପନ ହେଇଲା ସତ

ଖୋଜୁଥିଲି ଯାକୁ ଦେଖିଲି ଆଗରେ

ହୃଦୟ ହୋଇଲା ପ୍ରୀତ I

ହଜାଇ ଦେଲି ମୁଁ ଚଲା ବାଟ ମୋର

ହଜିଗଲା ମୋର ମନ

ସବୁ ବାଟ ମୋର ତୁମରି ପାଖରେ

ଶେଷ ହେଲା ସେଇଦିନ I

ମନେ ହୋଇ ଖୁସି ଦେଲି ଟିକେ ହସି

ତୁମେ ରହିଥିଲ ଚାହିଁ

ଭାବାନ୍ତର ହେଲା ତୁମରି ଭିତରେ

ଆଖି ଯାଇଥିଲା ନଇଁ I

ଆଗପଛ କିଛି ବିଚାରିଲ ନାହିଁ

ଧରି ନେଲ ହାତ ମୋର

ତୁମେ ହେଲ ମୋର ନିଜଠୁ ନିଜର

ଦୁନିଆ ଲାଗିଲା ପର I