ସବୁଜିମା
ସବୁଜିମା
ସବୁଜିମା ଭରା ପୃଥିବୀ ଆମର
ବୃକ୍ଷ ଲତା କେତେ ଭରା
ଶାଗୁଆ ପତ୍ରରେ ଦିଶନ୍ତି ସୁନ୍ଦର
ମନକୁ ମୋହନ୍ତି ପରା l
ଶାଗୁଆ ବୃକ୍ଷର ପତ୍ର ଦିଶୁଥାଏ
ହରିତ କଣିକା ପାଇଁ
ସେଇ ରଙ୍ଗ ଯୋଗୁଁ ଖାଦ୍ୟର ପ୍ରସ୍ତୁତି
ପତ୍ର ଦ୍ୱାରା ହୋଇଥାଇ l
ବାୟୁରୁ ଅଙ୍ଗାରକାମ୍ଳ ଆଣିଥାଏ
ମୂଳରୁ ଜଳ ଲବଣ
ଖାଦ୍ୟକୁ ତିଆରି କରିଥାଏ ପତ୍ର
ଆଣି ସୂର୍ଯ୍ୟଙ୍କ କିରଣ l
ଖାଦ୍ୟକୁ ଯୋଗାଏ ସାରା ବୃକ୍ଷକୁ
ହୋଇଥାଏ ଫୁଲ ଫଳ
ସବୁଜ ଉଦ୍ଭିଦ ଆମର ସମ୍ପଦ
ସକଳ ସୃଷ୍ଟିର ମୂଳ l
ବୃକ୍ଷ ନରହିଲେ ସୃଷ୍ଟିରେ ଆମର
ମରୁଭୂମି ଯିବ ହୋଇ
ଜୀବ ଜଗତ ଲୋପ ପାଇଯିବେ
ତାଠାରୁ ଖାଦ୍ୟ ନପାଇ l
ସବୁଜ ପନିପରିବା ଦେହ ପାଇଁ ହିତ
ରୋଗକୁ କରଇ ଦୂର
ସବୁଜ ରଙ୍ଗଟି ମନେ ଶାନ୍ତି ଦିଏ
ମନକୁ କରଇ ସ୍ଥିର l
କ୍ଷେତରେ ସବୁଜ ରଙ୍ଗ ଛାଇଯାଏ
ହୁଅଇ ଯେବେ ଫସଲ .
ସବୁଜ ଗଛକୁ ଦେଖିଲେ ନୟନେ
ରହିଥାଏ ସିଏ ଭଲ l
ପ୍ରଦୂଷଣ ଆଉ ଗଛ କଟା ଯୋଗୁଁ
ସବୁଜିମା ନଷ୍ଟ ହୁଏ
ସଚେତନ ଯଦି ହୁଅନ୍ତେ ମାନବେ
ସୁଧୁରି ଯାଆନ୍ତା ପ୍ରାୟେ l
ଈଶ୍ୱର କରନ୍ତୁ ଚିର ସବୁଜ ଏ
ପୃଥିବୀଟି ଆମ ଥାଉ
ତାହାରି କୋଳରେ ଆନନ୍ଦେ ରହିବା
ରହିବନି ଦୁଃଖ ଆଉ l