Library
Profile
ସବୁ ଶୋଇଗଲା ପରେ
ସବୁ ଶୋଇଗଲା ପରେ
ସଞ୍ଜ ନଇଁବା ପରେ
ରାତି ଆସେ ଧିରେ ଧିରେ
ବିଳମ୍ବିତ ରାତ୍ରି ପରେ
କାର୍ଯ୍ୟ ବ୍ୟସ୍ତତା ରୁ ଟିକିଏ
ଫୁରସତ ମିଳେ
ସବୁ ଶବ୍ଦର କୋଳାହଳ ସରିଯାଏ
ସବୁ ଶୋଇଗଲା ପରେ ।
ରାତ୍ରିର କଳା ଅନ୍ଧକାର
ସବୁଠାରୁ ଅଧିକ ଭୟଙ୍କର
ସ୍ବପ୍ନ ସବୁ ପ୍ରବେଶ କରନ୍ତି
ହୃଦୟର ଗଭୀରତାକୁ
ଗାଢ଼ ନିଦ୍ରାରେ
ସବୁ ଶୋଇଗଲା ପରେ ।
ରେଳବାଇର ପଟ୍ରି ଉପରେ
ରେଳ ଗାଡି ସବୁ ଚାଲିଥାଏ
ରାତିର ନିଃଶବ୍ଦ ପ୍ରହରରେ
ଛୁକ୍ ଛୁକ୍ ଶବ୍ଦ କରି ମାଡି ଚାଲେ
ଷ୍ଟେସନ ରୁ ଷ୍ଟେସନକୁ
ସବୁ ଶୋଇଗଲା ପରେ ।
ଅନ୍ଧକାର ଆକାଶ ର ବିସ୍ତୃତ
ଚେହେରା ରେ ଝଲସି ଉଠନ୍ତି
ସବୁ ଟିକି ଟିକି ତାରା ଗଣ
ତୀକ୍ଷ୍ଣ ଦୃଷ୍ଟିରେ ନିରେଖି ଚାହିଁଥାନ୍ତି
ସବୁ ଶୋଇଗଲା ପରେ ।
ସବୁ କିଛି ନକରାତ୍ମକ ପ୍ରଭାବ
ବଢିଚାଲେ ରାତିର ବୟସ ବଢିଲେ
ସୁନ୍ଦର ଅସୁନ୍ଦର କାହାଣୀ ସବୁ
ଲିପିବଦ୍ଧ ହୋଇଯାଏ
ରାତି ର ଚେହେରା ସହିତ
ସବୁ ଶୋଇଗଲା ପରେ ।
ଫୁଲ ସବୁ କଢ ହୋଇ
ଝୁଲୁଥାଏ ଗଛର କୋଳରେ
ରାତି ର ଅନ୍ଧକାର ଭିତରେ
କଢ ରୁ ଫୁଲ ଫୁଟେ
କାହିଁ କେତେ ରଙ୍ଗ ନେଇ
ସବୁ ଶୋଇଗଲା ପରେ ।
ଶ୍ରମିକ କୃଷକ ମାନଙ୍କ
ମନରେ ଥାଏ ଅନେକ ଚିନ୍ତା
ଆଜି ରହି ଯାଇଥିବା ବାକି କାମ ସବୁ
ରାତିରେ ଭାବୁଥାଏ କ'ଣ ସବୁ
କରିବାକୁ ପଡ଼ିବ ଆସନ୍ତା କାଲି
ସବୁ ଶୋଇଗଲା ପରେ ।
