Library
Profile
ସବୁ ପରା ତୁମରି ଭିଆଣ
ସବୁ ପରା ତୁମରି ଭିଆଣ
1 min
275
ମନ ଖୋଲି ଥରେ କହିଦେଲି ବୋଲି
ମୋତେ ମନ କଥା କହୁନ ଆଉ, ହେ, ମହାବାହୁ,
ମନ ଦେଇ ମନ ଜିଣିଥିଲି ବୋଲି
ମୋତେ ତୁମେ ମନ ଦେଉନ ଆଉ ହେ, ମହାବାହୁ ॥
ନିରବେ ନିରବେ ତୁମରି ପାଖରେ
ନିବେଦନ ମୋର ଘେନା ହୋଇଛି ହେ, ମହାବାହୁ
ଜୀବନରେ ଯେତେ ପାପ କରିଥିଲି
ସବୁ ଗୋଟି ଗୋଟି କରି କହିଛି, ହେ,
ମହାବାହୁ ॥
ଅଳପ ହସରେ ତୁମେ ପରା ମୋତେ
କଳପ କଳପ କଥା ଦେଇଛ ହେ, ମହାବାହୁ
ପବଟକୁ ଚାହିଁ ଦେଲା ପରେ
ଧୂପ ଭାବନା କାହିଁ ରହୁଛି ହେ, ମହାବାହୁ ॥
ପତିତ ପାବନ ବାନା ଉଡେଇଛ
ନିଳାଦ୍ରୀ ମଣ୍ଡପେ ନିଶ୍ଚିନ୍ତେ ବସି ହେ, ମହାବାହୁ
ସରଧା ବାଲିରୁ ହାତେ ମାଗିଥିଲି
ଯେଣୁ ତୁମେ ମୋ ଶରଦ ଶଶୀ ହେ, ମହାବାହୁ ॥
ସବୁ କରିଥାଅ କିଛି ବି କୁହ
ସବୁ ଜଣାପଡେ ତୁମରି ନାମେ ହେ, ମହାବାହୁ
ଆଶା ଠୁ ଅଧୁକା ମାଗିନି ତୁମକୁ
ପୂର୍ଣ୍ଣ ହୋଇବ କି ମୋ ପୂଣ୍ୟକାମେ ହେ, ମହାବାହୁ II
