ସବୁ ମୁହେଁ ଫୁଟୁ ହସ

ଚାରିଆଡେ ଆଜି ମାତିଛି କରୋନା

ଶୁଣି ଶୁଣି ଥରେ ଛାତି

ଗଗନ ପବନ କରେ ପ୍ରକମ୍ପିତ

ବିକଳ ମଣିଷ ଜାତି l

ରୋଗର ନିଦାନ ନିରୂପଣ ଲାଗି

ଚାଲିଛି ଯେ ଗବେଷଣା

ଥଳକୂଳ ମିଳୁନାହିଁ କେଉଁଠାରେ

ସଭ୍ୟତା ତ ବାଟବଣା l

କେବଳ ଏହାକୁ ହରାଇବା ଲାଗି

ରହିବାକୁ ହେବ ଘରେ

ଅଫିସ, କଚେରୀ, କଳ କାରଖାନା

ସବୁ ଅଚଳ ଏଠାରେ l

ରେଳଯାତ୍ରାଠାରୁ ବିମାନ ପର୍ଯ୍ୟନ୍ତ

ସବୁଥିରେ କଟକଣା

ଗୋଷ୍ଠୀ ସଂକ୍ରମଣ ରୋକିବା ପାଇଁକି

ଚାଲିଛି ଯେ ତନାଘନା l

ଆକ୍ରାନ୍ତ ଲୋକଙ୍କ ନେବାରେ ଯତନ

ବଢିବ ତାଙ୍କ ବିଶ୍ୱାସ

ଅପସରି ଯିବ କରୋନା ପ୍ରଭାବ

ସବୁ ମୁହେଁ ଫୁଟୁ ହସ l