ସଭିଏଁ ଧାଆଁନ୍ତି ମାଗଣା ପଛରେ
ସଭିଏଁ ଧାଆଁନ୍ତି ମାଗଣା ପଛରେ
ଛୁଆଟିଏ ଜନ୍ମ ହେଲେ
ଖିର ଭରି ଯାଏ
ମାଆର ସ୍ତନରେ ।
ବେଙ୍ଗ ତା'ର
ଶାବକକୁ ଜନ୍ମ କରେ
ପେଟ ଫଟାଇ
ଆଦରି ନିଏ ମୃତ୍ୟୁକୁ ।
ପଶୁ ପକ୍ଷୀ ପ୍ରସବିତ ପରେ
କୋମଳ ଛୁଆଟି
ନିଜ ଗୋଡ଼ରେ ଛିଡ଼ା ହୋଇଯାଏ ।
ମଞ୍ଜିଟି ଅଙ୍କୋରଦ୍ଗମ ରେ ହିଁ
ନିଜ ଖାଦ୍ୟ ନିଜେ ହିଁ
ସଂଗ୍ରହ କରେ ।
କିନ୍ତୁ
ଏ ମଣିଷ
ପୃଥିବୀର ଶ୍ରେଷ୍ଠ ଜୀବ
ଆଶ୍ରୟ କରେ ପରକୁ
ପିଲା ଜନ୍ମ ହେବା ଠାରୁ
ଚାହେଁ ବିନା ପରିଶ୍ରମରେ
ମାଗଣା ଚିଜ କୁ ।
ଗର୍ଭରେ ପଡିବା ଠାରୁ
ଆରମ୍ଭ ହୁଏ
ଶେଷ ହୁଏ ହରିଶ୍ଚନ୍ଦ୍ର ଯୋଜନାରେ ।
କି ଆଶ୍ଚର୍ଯ୍ୟ ?
ମାଗଣା ଖାଇବାର
ଦୁର୍ବଳତା ଗ୍ରାସ କଲାଣି ସଭିଙ୍କୁ
ସଭିଏଁ ଧାଆଁନ୍ତି ମାଗଣା ପଛରେ ।
ନିଷ୍କର୍ମା ମଣିଷ ବୁଝୁନୁ
ତୋ ସମ୍ପତ୍ତି ରେ
ତୁ ହିଁ ମାଗଣା ଖାଉଛୁ
ଭିକାରୀ ବେଶରେ ।