ଲାଇବ୍ରେରୀ
ପ୍ରୋଫାଇଲ୍
ସାଥିରେ ( ଏକ )
ସାଥିରେ ( ଏକ )
1 min
259
ତୁ ଆସିଥିଲୁ
ମୋ ଶୀତ ସକାଳର
କାକର ଭିଜା ସାଏରୀ ଟିଏ ହୋଇ
ହୃଦୟରେ
ଲୁଚିଥିବା ଅନେକ ବ୍ୟଥାକୁ
ନିଜର କରିବା ପାଇଁ
ତୁ ଆସିଥିଲୁ
ମୋ ଗାଁ ବଣ ବସନ୍ତରେ
କୋଇଲିର କୁହୁତାନ ହୋଇ
ମଧୁର ମୂର୍ଚ୍ଚନାରେ
ଦରଦୀ ହୃଦୟର ଦରଦକୁ
ଅବସାନ କରିବା ପାଇଁ
ତୁ ଆସିଥିଲୁ
ଆଦ୍ୟ ଆଷାଢ଼ରେ
ପହିଲି ବର୍ଷାର ଛିଟା ହୋଇ
କ୍ଳାନ୍ତ ମନକୁ
ବର୍ଷା ଭିଜା ମାଟିର ମହକେ
ଜାଗ୍ରତ କରିବା ପାଇଁ
ତୁ ଆସିଥିଲୁ
ଅସହ୍ୟ ଗ୍ରୀଷ୍ମର
ଝାଂଜି ପବନ ହୋଇ
ମୋ ଶରୀରେ ଭର୍ତ୍ତି
ପାପ, ଅଂହାକାର, ଗର୍ବକୁ
ଝାଳେ ବୁହେଇଦେବା ପାଇଁ
