ସ୍ଵାର୍ଥପରତାର ରଙ୍ଗୀନ ଚାଦର

ଜୀବନର ନିଚ୍ଛକ ସତ କଥାଟିଏ

ହୁଏତ ଅଭିଜ୍ଞତାରୁ ମିଳିଛି ,

ଆବଶ୍ୟକ ସମୟରେ ଆଦରଣୀୟ

ଅନ୍ୟଥା ଆମେ ନୋହୁଁ କିଛି ।

ବୋଧ ହୁଏ ସ୍ଵାର୍ଥପରତାର ଏଇ ରଙ୍ଗୀନ ଚାଦର

ଆମ ସମାଜକୁ ଢ଼ାଙ୍କିଛି

ଯାହାର ଜ୍ୱଳନ୍ତ ଉଦାହରଣରେ ଵୃଦ୍ଧାଶ୍ରମ

ମୁକସାକ୍ଷୀ ଭାବେ ଦଣ୍ଡାୟମାନ ଅଛି ।

ହଜାର ହଜାର ପ୍ରଶଂସକ ମଧ୍ୟରେ ବି

ନିନ୍ଦା କରୁଥିବା ଲୋକଙ୍କର ଅଭାବ ନାହିଁ ,

ତଥାପି ବି ଜୀବନର ଗତିପଥର ବେଗକୁ

ଲଗାମ ଦେବାର ଅନାବଶ୍ୟକ ସେ ପ୍ରୟାସକୁ

ପ୍ରଶୟ ଦେବାର ନାହିଁ ।

ଏଇ ମୂଲ୍ୟବାନ ଜୀବନକୁ ରକ୍ତାକ୍ତ କରିବା ପାଇଁ

ଷଡଯନ୍ତ୍ରର ରଚନା ତା ସୁନିଶ୍ଚିତ ,

ଏତେ ସବୁ ଚକ୍ରାନ୍ତ ର ନାଗଫାଶରୁ

ନିଜକୁ କରି ଦିଅ ମୁକ୍ତ ।

ଜୀବନର ନିଚ୍ଛକ ସତ କଥାଟିଏ....।