ସାରା ବିଶ୍ୱେ ଶ୍ରେଷ୍ଠ ଭାରତବର୍ଷ

ସଂସ୍କୃତି ସମ୍ପନ୍ନ ଐତିହ୍ୟରେ ପୂର୍ଣ୍ଣ

ସାରା ବିଶ୍ୱେ ଶ୍ରେଷ୍ଠ ଭାରତ ବର୍ଷ

କଳା କାରୁକାର୍ଯ୍ୟ ସଙ୍ଗୀତ ଭାସ୍କର୍ଯ୍ୟ

ନୃତ୍ୟ ଗୀତ ଚିତ୍ର ସଦା ଉତ୍କର୍ଷ ।

ପୋଥି ପୁରାଣରେ ଧରମ କ୍ଷେତ୍ରରେ

ମହାନତା ତା'ର ପରିଲକ୍ଷିତ

ଭାଷା ସାହିତ୍ୟରେ ପର୍ବପର୍ବାଣୀରେ

ଜଗତବାସୀଙ୍କୁ କରେ ଚକିତ ।

ଏପରି ଭୂଖଣ୍ଡ ହୋଇନାହିଁ ଖଣ୍ଡ

ଭିନ୍ନ ଭିନ୍ନ ଜାତି ମିଳନସ୍ଥଳ

ଗିରିଜା ମନ୍ଦିର ବଉଦ୍ଧ ବିହାର

ମସଜିଦି ଆମ ଏକତା ବଳ ।

ସାରା ବିଶ୍ୱେ ଖ୍ୟାତ ଆମରି ସାହିତ୍ୟ

'ଗୀତାଞ୍ଜଳି' ପରି କବିତା କୃତି

ରାମାୟଣ ଗୀତ ଓ ମହାଭାରତ

ଭରିଥାଏ ଆମ ହୃଦୟେ ଶାନ୍ତି ।

ଜାତୀୟ ପରବ ପାଳନ୍ତି ସରବ

ଭିନ୍ନ ରାଜ୍ୟେ ପୁଣି ପରବ ଭିନ୍ନ

ମଧୁର ଦିବସ ଆନନ୍ଦ ଉଲ୍ଲାସ

ସୃଷ୍ଟି କରିଥାଏ ଆମରି ମନ ।

ନିର୍ମାଣ କଳାର ଅପୂର୍ବ ସମ୍ଭାର

କହିଥାନ୍ତି ଆମ ସଂସ୍କୃତି ଗାଥା

ମନେ ଗର୍ବ ବହି ଜନ୍ମଭୂମି ପାଇଁ

ନଇଁଯାଏ ଆପେ ସବୁରି ମଥା ।