ସାଙ୍ଗରେ..

କେମିତି ପଡିଲା ବନ୍ଧୁତା ରେ ଇତି

କାରଣ ଖୋଜି ପାଉନି

ଟଙ୍କା ରୋଜଗାର, ପିଲା ପରିବାର!

ପଛରେ ମନ ମାନୁନି

ବରଷା ଟୋପାକୁ ଏବେବି ଦେଖିଲେ

ମନେପଡୁ କାହିଁ ଏତେ

ସାରୁ ପତରର ଛତା ଧରି ଧରି

ଚାଲୁଥିଲେ କେତେ ସତେ

ନଈ ବାଲି ପରେ ଗାଧୁଆ ତୁଠରେ 

ଚଇତି ବାଗୁଡି ଖେଳ

ସାଙ୍ଗରେ ,କେମିତି ଭୂଲିଗଲାମନ

ଭୂଲିଲା ସେ ପିଲାବେଳ

ସ୍କୁଲ୍ ପାଖର ଖେଳପଡିଆକୁ

ବହୁଦିନୁ ଦେଖିନାହିଁ

କେତେ କେତେ ଖେଳ ଖେଳୁଥିଲେ ଦୁହେଁ

କିଛି ତୋର ମନେନାହିଁ

ଅଧା ଓଦାହୋଇ ଗୋଟିଏ ଛତାରେ

ଯାଉଥିଲେ ଟିଉସନ

ମୋ ପାଇଁ ତୁ ତୋପାଇଁ ମୁଁ

ଦେଉଥିଲେ ଉପସ୍ଥାନ

ଗଣେଷ ପୂଜା ରେ ଫୁଲତୋଳିବାରେ

ଦୁହେଁ ଚଢୁଥିଲେ ଗଛ

ସରସ୍ୱତୀ ପୂଜା ଏବେ ବି ପାଳୁଛୁ

ଖୁସୀ ମନେଇବା କଷ୍ଟ

ଫେରିଆ ରେ ସାଙ୍ଗ ଥରୁଟିଏ ହେଲେ

ପାଖରେ ମୋ ବସିବାକୁ

ବହୁତ ଦିନରୁ ଦେଖି ନାହିଁ ତତେ

(ଚାହେଁ)ମନଖୋଲି ହସିବାକୁ