ସାଙ୍ଗ ସନ୍ଧ୍ୟାରାଣୀ

ପଢୁଥିଲା ସାଙ୍ଗେ ଟେ କେବେ, ଷଷ୍ଠ-ସପ୍ତମ ଶ୍ରେଣୀ

ମନେପଡେ ଭାବି ପୁରୁଣା, ଛବି ତା' ଲମ୍ବା ବେଣୀ

ପୁଣି ହୃଦୟ ତା' ଭାରି ଭଲ, ତା' ମନ ମୁକ୍ତା-ମଣି

ଝିଅ ଭିତରେ ଆଉଜଣେ, ନାଁ ତା' ସନ୍ଧ୍ୟାରାଣୀ |

ବାହାଘର ଉତ୍ସବ ଦିନ ତା', ଆଜି ମୁଁ ନଥିଲି ଜାଣି

ଅନ୍ୟ ଗହଣରୁ ଜାଣିଲି, ଆଜି ସନ୍ଧ୍ୟାରେ ଶୁଣି

ଏହି ଦିନ ଆଉ କେବେ ବି, ଭୁଲି ହେବନି ପୁଣି

କାରଣ ଘରଟେ କଲା ହୃଦେ, ସେ ପ୍ରେମରେ ବୁଣି |

ଆଜି ଦିନେ ସାଜିଥିଲା ସେ, ତା'ର ରଜାର ରାଣୀ

ରଜା ଦୁଃଖ ଯାଉ ଉଡି ଦେଖି, ତା' ହସ ମୁହଁ ଠାଣି

ଜନାଦୃତ ତାଙ୍କ ଦୁହିଁଙ୍କ, ହେଉ ପ୍ରେମ କାହାଣୀ

ଏମିତି ଚିରକାଳ ସଭିଙ୍କ, ସେ ମନ ନେଉ କିଣି |