ସ୍ଵାମୀଙ୍କର ବାର୍ଥ ଡେ ପାଟି

ରାତି ବାରଟାରେ ନିଦ ଭାଙ୍ଗିଗଲା

ଶୁଣି ଗୋଟେମେଣ୍ଢା ରଡି ,

ଦେଖିଲି ସ୍ଵାମୀ ମୋ କୁଲୁ କୁଲୁ ହୋଇ

ତଳେ ଯାଉଛନ୍ତି ଗଡ଼ି ।

କିସ ହେଲା ଆହେ ମୋ ସ୍ୱାମୀଦେବଙ୍କୁ

ଖଟରୁ ଗଲେ କି ପଡ଼ି,

ହେ ସ୍ୱାମୀ ହେ ସ୍ୱାମୀ ପାଟି କରି କରି

ହୋଅସ ଗଲା ମୋ ଉଡ଼ି ।

ପିଠି ଥାପୁଡାଇ ଦେଲି ମୁଁ ହଲାଇ

କିସ ହେଲା ଆଗୋ କୁହ,

ରାତି ଅଧଟାରେ ବିକଟାଳ ପାଟି

କଲ କାଇଁ କହି ଦିଅ ।

ଆଖି ମଳି ମଳି ସ୍ୱାମୀ ଦେଲେ ଚାହିଁ

କହିଲେ ସ୍ଵପ୍ନ କି ଥିଲା,

କେତେ ବଡ କେକ୍ କାଟିଥିଲି ମୁଁ ଯେ

ସ୍ଵାଦ ଟା ବାକି ରହିଲା ।

ହଇଓ ତମର ହୋଇଲାକି କିସ

କେକ୍ କାଟିଲ କାହିଁ,

ସତରେ ନକାଟି ନିଦରେ କାଟିଲ

ମୋତେ ଟିକେ ଦେଲ ନାହିଁ ।

ମୋ ଆଡ଼କୁ ଚାହିଁ କହିଲେ ଘରଣୀ

ବାଡ଼େ ପାଟି ଥିଲା ମୋର ,

ଖାଇଲା ବେଳକୁ ଡାକୁ ଥିଲ କାଇଁ

ଦେହକୁ ହଲେଇ ମୋର ।

ଖାଇସାରି ପ୍ରିୟେ ପାଟିରେ ତମର

ଦେଇଥାନ୍ତି ଭର୍ତ୍ତିକରି,

ହଲେଇ ଦେବାରୁ ତଳେ ଗଲା ପଡି

ବସିଲନି ଧରି ଜରି ।

ଆଉଥରେ ଚାଲ ସପନ ଦେଖିବା

ମନେଇବା ବାର୍ଥଡ଼େ ପାଟି,

ଏଥିର କେକ୍ ମିଶିକି ଖାଇବା

ଆଙ୍ଗୁଠିକୁ ଚାଟି ଚୁଟି ।