ସାଇକେଲ

ଭାରି ଉପକାରୀ 

ସାଇକେଲ ଚାଳନା

    ଦେହକୁ ରଖଇ ଫିଇଟି । 

ତେଣୁ ଆଜିକା ଦିନରେ

ସାଇକେଲ ଚଢ଼ି 

   କରେ ମୋ ସବୁ ଡିଉଟି ।

ଗଳି ଗଳି ରେ

ଜିଇମି ସେଣ୍ଟର 

 ପୁଅଝିଅଙ୍କ ସେଠି ଲମ୍ବା ଧାଡ଼ି । 

ଲୁଚି ଲୁଚିକା

ମାରନ୍ତି ପେଡାଲ 

ଦାଣ୍ଡେ ଚଲାନ୍ତି ମୋଟର ଗାଡ଼ି ।

ଲାଗେ କଉତୁକ

ମିଳେ ଯଉତୁକ

ଝିଅ ସଙ୍ଗେ ଖଣ୍ଡେ ସାଇକେଲ । 

ହେଇ ଧଇଁସଇଁ

ପଛରେ ବସାଇ 

  କେତେ କୁଆଡ଼େ ବୁଲୁଥିଲ ।

କଲେ ଆରାମ

ହବ ହାରାମ

 ଗାନ୍ଧୀଙ୍କ ମୁଖ ନିଃସୃତ ବାଣୀ । 

ଯନ୍ତ୍ର ଯୁଗରେ

ଆଧୁନିକତାର ସ୍ପର୍ଶରେ 

ବଦଳି ଗଲାଣି ଆମରି ଠାଣି ।