ସାହସ ଓ ସଫଳତା
ସାହସ ଓ ସଫଳତା
ସାହସରୁ ମିଳେ ସଫଳତା ସଦା
ଭାଙ୍ଗି ପଡ ନାହିଁ କେହି
ନିଶ୍ଚିତ ବିଜିତ ହୋଇବ ସାହସ
କେବେବି ହରାଅ ନାହିଁ ।
ପ୍ରତି ପରିସ୍ଥିତି ସାମ୍ନା କରିବାର
ଅନୁଭୁତି ହିଁ ସାହସ
ଧରିଲେ ତାହାକୁ ନିଶ୍ଚୟ ଯେ ଦିନେ
ମୁଖରେ ଫୁଟିବ ହସ ।
ବହୁ ଅନୁଭବ ଅନୁଭୁତି ମାନ
ସଞ୍ଚି ମାନବ ଜୀବନେ
ପରିସ୍ଥିତି ସାଥେ ଲଢି ଥାଏ ନିତ୍ଯେ
ଅନବରତ ସଂଗ୍ରାମେ ।
ବୂଢ ମନୋବଳେ ଜିଣଇ କୌଶଳେ
ସମସ୍ଯାର ଘଟେ ଅନ୍ତ
ଆନନ୍ଦ ପ୍ଲାବନେ ଉଲ୍ଲସିତ ପ୍ରାଣେ
ପୁଲକ ଆଣେ ବହୁତ ।