Library
Profile
ସାବିତ୍ରୀ
ସାବିତ୍ରୀ
ଦିନ ଏମିତି
ସଧବା ସବୁ ସାବିତ୍ରୀହୋଇ
ବ୍ରତ ରଖନ୍ତି
ସ୍ବାମୀଙ୍କୁ ସତ୍ୟବାନ ମଣି
ପୂଜା କରନ୍ତି ।
ବାକି ତିନିଶହ ଚୌଷଠୀ ଦିନ
ଚୌଷଠୀ ଯୋଗିନୀ ରୂପ ମହାନ
ପାଦେପାଦେ ନିତି ଦାଉ ସାଧନ୍ତି ।
ଗୋଟିଏ ଦିନ ବ୍ରତ ରଖନ୍ତି
ନିର୍ଜଳା ଉପାସ କରନ୍ତି
ଫଳ ଆହାର କରି ଦିନ କାଟନ୍ତି ।
ସାବିତ୍ରୀ ମାନଙ୍କ ପ୍ରେମ ଉଜାଣି
ଫଳ ଆହାର ସେ କରିବେ ଜାଣି
ଫଳ ଦର ସବୁ ଆକାଶ ଛୁଏଁ
ବେପାରୀ ବାପୁଡା ଭୂଆଁ ବୁଲାଏ
ଆମ୍ବ କଦଳୀକୁ ଛୁଇଁ କି ହୁଏ ?
ତାଳସଜ ଆମ୍ବ କସି ଖଜୁରୀ
କସି ଲିଚୁ ଆଉ କଞ୍ଚା ସପୁରୀ
ବିଧା ମାରି ମାରି ପଣଷ ପାଚେରେ
କଞ୍ଚା କସି ସବୁ ଏଇ ମହୁକାରେ
ବଳେଇ ବଳେଇ ଚଳେଇ ଦିଅନ୍ତି
ସଧବା ମାନେତ ବ୍ରତ ରଖନ୍ତି ।
ମୋତେ ମ
ିଛ ଭାଇ ତୁମକୁ ସତ
ଧନ୍ୟ ଏହି ଆମ ସାବିତ୍ରୀ ବ୍ରତ ।
ସୁଆଦିଆ ଫଳ ମନ ଲାଖି ଶାଢି
ନହେଲେ ରୁଷନ୍ତି ଗୋଲାପ କଢି ।
ବରଷକେ ଏହି ଗୋଟିଏ ଦିନ
ସ୍ବାମୀ ସତ୍ୟବାନ ହୁଅନ୍ତି ଧନ୍ୟ ।
ବର୍ଷକରେ ଥରେ ଖୁସି ହୁଅନ୍ତି
ବାକିଦିନ ବାବୁ ଭାଗ୍ୟ ନିନ୍ଦନ୍ତି ।
ସାବିତ୍ରୀମାନେ ବ୍ରତ ରଖନ୍ତି ।
ଏବରଷ କିନ୍ତୁ ସାବିତ୍ରୀମାନେ
ରହିଛନ୍ତି ସବୁ ବଡ ଚିନ୍ତାରେ
ଲକ୍ ଡାଉନ୍ କଟକଣା ବଣା
ଅମାନିଆ ଆଖି ହୁଏ ତିନ୍ତାରେ ।
ଶାଢୀ ଦୋକାନରେ ପଡିଛି ତାଲା
ମନା ତ ଏସନ ବଜର ବୁଲା
ଭଲାରେ ଭଲା କରୋନା ଭଲା
ଲଗାଇ ଦେଲୁ ତୁ ଇଏକି ପାଲା !
ନୂଆ ଲୁଗା ବିନା ଏଡେବଡ ବ୍ରତ
କହରେ କରୋନା ହେବ କେମିତି !
ସାବିତ୍ରୀମାନେ ବ୍ରତ ରଖନ୍ତି ।
