ସ୍ୱପ୍ନର ଅମରାବତୀ

ସୂର୍ଯ୍ୟରେ ସେମାନେ ମୋ ପାଇଁ

ତୋଳି ଦେଲେ ସୁନ୍ଦର ଏକ

ମଖମଲି ଘର

ମୁଁ ବି ନିଜସ୍ୱ ଘରଟିଏ ପାଇବା ଲୋଭରେ

ଖୁସି ହୋଇଗଲି

ମୋ ଘର ମୋ ଘର କହି

ଆତ୍ମଭିମାନରେ ଡେଇଁଲି।

ମୁଁ କଣ ଜାଣିଥିଲି

ଏଠି ପ୍ରତିକ୍ଷଣେ

ଜଳିବାକୁ ପଡିବ

ଜାଳିବାକୁ ହେବ ଦେହ ମନ ଓ ଆତ୍ମା

ହାଏ ! କି ଦୁର୍ବୁଦ୍ଧି କଲି

ସୂର୍ଯ୍ୟରେ ଘର ମୋର ବୋଲି

କିଆଁ ଏତେ ଖୁସି ହେଲି ।

ଏଇ ଦେଖ

ଦେହ ସାରା ପୋଡ଼ା ଘା ର 

ପୋଷ ପୋଷ ଦୁର୍ଗନ୍ଧ ପାଣି ଝରୁଛି

ଦଲ ଦଲ ଘା

ଓଃ କି ଯନ୍ତ୍ରଣା

ଆଉ ସହି ପାରିବିନି

ଲୋଡ଼ା ନାହିଁ ସୂର୍ଯ୍ୟରେ ଘର

କି ଅୟସ ଆରାମ।

ଦିଅ ମୋତେ

ମୋ ସବୁଜ ପୃଥିବୀରେ

କାଠି କୁଟାରେ ନିର୍ମିତ

ଏକ କୁଡ଼ିଆ ଘର

ସେଇଠି ତୋଳିବି ମୁଁ

ମୋ ସ୍ୱପ୍ନର ଅମରାବତୀ ।