ସ୍ୱଚ୍ଛ ଭାରତ

ଗାନ୍ଧୀ ଦେଖିଥିବା ସ୍ୱଚ୍ଛତାର ସ୍ବପ୍ନ 

   ଆସ ସାକାର କରିବା 

ଗାଆଁ ରୁ ସହର ସହର ରୁ ଗାଆଁ 

  ସବୁଠି ଶପଥ ନେବା l

ସ୍ୱଚ୍ଛ ଭାରତର ରୂପରେଖ ଆମେ 

  ଦେବା ଆସ ବଦଳାଇ 

ସୁନାର ଭାରତ ଗଠନ କରିବା 

   ହାତରେ ହାତ ମିଶାଇ l

ସ୍ୱଚ୍ଛତାର ରଙ୍ଗ ସବୁଠି ଭରିବା 

  ସର୍ବେ ହୋଇ ଏକାକାର 

ନିଜେ ସ୍ୱଚ୍ଛ ରହି ସୁସ୍ଥ ପରିବେଶ 

  ଗଢ଼ିବା ଆମେ ଏଥର l

ଅଳିଆ ଗୋଳିଆ ଅନୀତି ଦୁର୍ନୀତି 

   ସବୁକୁ ସଫା କରିବା 

ହିଂସା ପ୍ରତିହିଂସା ମିଛକୁ ଆଡ଼େଇ 

   ଅହିଂସା ପଥେ ଚାଲିବା l

ଜାତି ଅଜାତିର ଭେଦଭାବ ଭୁଲି 

   ସଭିଙ୍କୁ ସମ୍ମାନ ଦେବା 

ବିଶ୍ୱ ଭାତୃଭାବ ମନେ ଭରି ଦେଇ 

   ଭଲ କାମେ ମନ ଦେବା l

ସବୁଜିମା ଭରା ଘଞ୍ଚ ବନାନୀରେ 

   ସୁନ୍ଦର ଦେଶ ଗଢ଼ିବା 

ସ୍ୱଚ୍ଛତା ଶବ୍ଦଟି ନିରୋଗର ଭେଟି 

   ଏକଥା ମନେ ରଖିବା l