ସ୍ୱାଧୀନତାର ସ୍ୱର
ସ୍ୱାଧୀନତାର ସ୍ୱର
ପାଞ୍ଚରେ ବଞ୍ଚିବା ପାଞ୍ଚରେ ମରିବା
ଶିଖିଲେ ୫ ଅଗଷ୍ଟ ୨୦୧୯ରୁ
ପଞ୍ଚ ଭୁତରେ ଲୀନ ହୋଇବା ଯାଏଁ
ନ ହଟିବା ଏ ମାଟି ସେବାରୁ ।
ସାକ୍ଷୀ ଇତିହାସ ପଢ଼ା ବହି ଆମ
ତିକ୍ତ ରୋଚକ ଘଟଣା ବହୁଳେ
ଅନୁଭବ ଆଜି ଏ ରାଷ୍ଟ୍ର ନିର୍ମାଣ
ଲଭେ ସତ୍ୟ ନିଷ୍ଠା ଅହିଂସା ବଳେ ।
ନ ମାତିଲା ପର୍ଯ୍ୟନ୍ତ ରାଷ୍ଟ୍ର ପୁରୁଷ
ଶିରିପା ନ ମିଳେ ମାଟି ମାଆକୁ
ଧନ୍ୟ ଆମ ଦେଶ ଜାତିର ଜନତା
ହଁ ରେ ହଁ ମିଳାନ୍ତି ରାଷ୍ଟ୍ର ହିତକୁ ।
ଫୁଟି ଯାଉ ବୁକୁ ଫାଟି ଯାଉ ମଥା
ହାର ନ ମାନନ୍ତି କେହି ଏଠାରେ
ନିଜ ପାଇଁ ବଞ୍ଚି ଦେଶ ପାଇଁ ହସି
କାଟନ୍ତି ଜୀବନ ସଦା ଖୁସିରେ ।
ସଦା ହାସ୍ୟମୟୀ ପବିତ୍ର ଜନନୀ
ସୁଜଳା ସୁଫଳା ଆମ ଭାରତ
ଏ ମାଟି ପାଇଁ ଯେ ତନ ମନ ଦିଏ
ସେମାନେ ସଭିଏଁ ରାଷ୍ଟ୍ର ପୁରୁଷ ।
ଉଡିଲା ତ୍ରିରଙ୍ଗା କାଶ୍ମୀର ଘାଟରେ
ପୁଣି ଉଡିଲା କୁମାରୀ କୋଳରେ
ଜଳ ସ୍ଥଳ ନଭ ସବୁଠି ଉଡିଲା
ଶୌର୍ଯ୍ୟ ଶୋଭେ ଆମ ରାଷ୍ଟ୍ର ଶରୀରେ ।
କେ କହେ ବିଶ୍ୱକୁ ବାଣିଜ୍ୟର ସ୍ଥଳୀ
ଏ ଦେଶ କହେ ଆମ ପରିବାର
ତା'ରି ସେବାରେ ଜୀବନ ଦେବାରେ
ଆସହେ ବୀର ରହି ଏକକାର ।