ସ୍ୱାଧୀନତା

କେତେକେତେ ବୀର ଜନ୍ମି ଭାରତରେ

ଦେଇଛନ୍ତି ନିଜ ପ୍ରାଣ

ତାଙ୍କରି ପ୍ରାଣର ବଳିଦାନେ ଆଜି

ଆମେ ପାଇଛୁ ସ୍ୱାଧୀନ ।

ଜନ୍ମି ଥିଲେ ଏଠି ଗଙ୍ଗା, ଗୋପବନ୍ଧୁ

ସୁବାଷ, ମହାତ୍ମା ବୀର

ବନ୍ଧୁକ ନ ଡରି ବଢିଲେ ସେମାନେ 

ହୃଦେ ଅଛନ୍ତି ଅମର ।

ପରାଧୀନ ଦେଶେ ସହି କାରାଗାର

ନିସ୍ତୁକ ମାଡ଼ ଯେ ଖାଇ

ଲଢ଼ି ଲଢ଼ି ନିଜ ପ୍ରାଣ ଦେଇଦେଲେ 

ଭାରତ ମାତାର ପାଇଁ ।

ଶାନ୍ତି, ପ୍ରେମ, ଭକ୍ତି ତିନୋଟି ରଙ୍ଗରେ

ଗଢିଲେ ଏକ ତ୍ରିରଙ୍ଗା

ଭୁଲନାହିଁ ଆଜି ସେ ଦେଶ ପ୍ରେମୀଙ୍କୁ

ତ୍ରିରଙ୍ଗା ଯା ପାଇଁ ରଙ୍ଗା ।

କେତେକେତେ ରଣ କୌଶଳ ହୋଇଣ

କେତେ କେତେ ଆନ୍ଦୋଳନ

ଶହଶହ ବୀର ପ୍ରାଣ ବଦଳରେ

ମିଳିଲା ଆମକୁ ସ୍ୱାଧୀନ

ମିଳିଲା ଆମକୁ ସ୍ୱାଧୀନ ।।