ସ୍ୱାଧୀନ ଦେଶର ଇତିହାସ

ହସୁଛି ଭାରତ ଆନନ୍ଦ ମନରେ

ସ୍ୱତନ୍ତ୍ର ସ୍ୱାଧୀନ ପାଇଁ 

ଫିରିଙ୍ଗି ଶୋଷଣ ସମାପ ହୋଇଲା

ବିଦେଶୀ ଚାଲିଲେ ଧାଇଁ |

ସ୍ୱତନ୍ତ୍ର ସ୍ୱାଧୀନ ଦେଶ ହେଲା ବୋଲି

ଅଛୁ ମନୋହରେ ସବୁ

ସ୍ୱାଧୀନ ପଛରେ ଅଛି ଇତିହାସ

ଏକଥା ପ୍ରତ୍ୟେକ ଭାବୁ |

ଜୀଇଁଥିଲେ କେତେ ଭାରତ ମାତାର

ଯଶସ୍ୱୀ ସନ୍ତାନ ଶତ

ଅହରହ ଥିଲେ ଦେବାକୁ ସ୍ୱାଧୀନ

ଫିରିଙ୍ଗି ପୋକରୁ ମୁକ୍ତ |

ଅହିଂସା ବଳରେ ଅନୀତି ଦୁରେଇ

ରଖି ଶମ ଜାତି ପିତା

କର ଅବା ମର ସ୍ଲୋଗାନ ଦେଇ ସେ

କଲେ ଦେଶ ଉତ୍ସାହିତ |

ଗଢିଲେ ଦେଶରେ ନେତାଜୀ ସୁବାଷ

ଆଜାଦ ହିନ୍ଦ ଫୋଉଜ

ରକ୍ତ ଦିଅ ମୋତେ ସ୍ୱାଧୀନତା ଦେବି

ଗାଇଲେ କରି ସେ ଆବାଜ |

ସ୍ୱରାଜ୍ୟ ଅଟଇ ଜନମାଧିକାର

ତିଳକ ଆହ୍ୱାନ ଦେଲେ

ଦେଶର ସଭିଙ୍କୁ ପ୍ରେରଣା ଦେଇ ସେ

ଦେଶକୁ ସୁଦୃଢ଼ କଲେ |

କହିଲେ ନ ସରେ ମହାରଥୀ ଦାନ

ତା' ପାଦେ ଶତକ ନମଃ

ତାଙ୍କରି ଅକ୍ଲାନ୍ତ ପରିଶ୍ରମ ବଳେ

ଭାରତ ରଖିଲା ନାମ ||