ରୁକ୍ମିଣୀଙ୍କ ଶ୍ରୀକୃଷ୍ଣଙ୍କୁ ପତ୍ର

     ରୁକ୍ମିଣୀଙ୍କ ଶ୍ରୀକୃଷ୍ଣଙ୍କୁ ପତ୍ର
       =============
ଭୁବନ ସୁନ୍ଦର ପ୍ରଭୋ ଦ୍ୱାରକାଧିପତି l ଚରଣେ ଚରଣଦାସୀ ଜଣାଏ ପ୍ରଣତି ll ଭୁବନ ମୋହନ ତବ ରୂପ ଗୁଣି ଗୁଣି l କୃଷ୍ଣଗତ ପ୍ରାଣ ଚାହିଁ ଅଛି ମୁଁ ରୁକ୍ମିଣୀ ll ଭୀଷ୍ମକ ନନ୍ଦିନୀ ମୁହିଁ ବିଦର୍ଭ କୁମାରୀ l ଶ୍ରୀପତି ତୁମ୍ଭଙ୍କୁ ତନୁ ମନେ ଅଛି ବରି ll
କୃଷ୍ଣଦ୍ୱେଷ କରି ପ୍ରଭୁ ଭାଇ ମହାବଳ l
ରୁକ୍ମୀ ସ୍ଥିର କରି ଅଛି ବର ଶିଶୁପାଳ ll ସିଂହରଉଚ୍ଛିଷ୍ଟ ସିନା ଶୃଗାଳର ଭୋଜ୍ୟ l
ହରି ନିଅ ସଂକଟରୁ ରଖ ଦେବରାଜ ll ବିବାହ ସମାପ୍ତ ହେବ ରଜନୀର ଅନ୍ତେ l
ପତ୍ର ତେଣୁ ପଠାଇଲି ବିପ୍ରଙ୍କର ହସ୍ତେ ll ଦୟାମୟ ନାଥ, ଆସ କହୁଛି ଉପାୟ l ଗୌରୀପୂଜନ ସମୟେ ରଥେ ହରିନିଅ ll ବାହୁଡ଼ି ଯାଉ ବେଦୀରୁ ଶିଶୁପାଳ ବର l
କୃଷ୍ଣ ସମର୍ପିତ ପ୍ରାଣ ହେ ବ୍ରଜ ସୁନ୍ଦର ll
ସିଂହ ଭାଗ ଯଦି ପ୍ରଭୁ ଶୃଗାଳ ଗ୍ରାସିବ l ରୁକ୍ମିଣୀ ନିଶ୍ଚୟ ପ୍ରାଣ ଅନଳେ ଝାସିବ ll ସତ୍ୟଯଦି ସୃଷ୍ଟି ସୂର୍ଯ୍ୟ ଚନ୍ଦ୍ର ତାରା ମହୀ l ଭାବ ବୁଝିବେ ମୋହର ପ୍ରଭୁ ଭାବଗ୍ରାହୀ ll ନିଶ୍ଚୟ କରିବେ ପ୍ରଭୁ ଶ୍ରୀଚରଣେ ଦାସୀ l ଯୁଗେଯୁଗେ ରୁକ୍ମିଣୀ ମୁଁ କୃଷ୍ଣଙ୍କ ପ୍ରେୟସୀ ll                🙏🙏🙏
                 ଅର୍ଜୁନୀ
              ---------------
ଅର୍ଜୁନୀ ଚରଣ ବେହେରା
ମୋ -7693091971