ଋତୁସବୁ ବଦଳିଗଲା ପରେ
ଋତୁସବୁ ବଦଳିଗଲା ପରେ
ମହୁଆ ନିଶାରେ ମହୁଲି ପିଇକି କୋଇଲି
କହୁଛି କାନେ କୁହୁ କୁହୁ
ଶ୍ରାବଣ ଫଗୁଣ ଦେଇଛନ୍ତି କେତେକ ରାଣ
ଶୀତ ମିତ ବସି କହେ ଉହୁ ଉହୁ
ଚହଲା ପାଣିର ଆଶାଢୀ ପଣତ ପାଟପତନୀ
ମୋନାଲୋଭା ଦିଶେ ଦାଉ ଦାଉ
ଶିଶିର ଭିଜା ସେ ଘାସ ଗାଲିଚାରେ ମୁକୁତା
ସବୁଦିନେ,ଶୀତ ଭିନ୍ନେ ଜଳୁଥାଉ
ଗିରିସମ କଲା ଏତେ ସରି ବରଷା ଚାଳରୁ
ମାଟି ମା ଓଠ ତୃଷ୍ଣା ଭରିଦେଉ
ବସନ୍ତ ଲେଖିଛି ଖୋଲା ଚିଟାଉ ଶୀତ ସକାଳକୁ
ସତେକି ଝରୁଛି ଝର ଝର ମହୁ
ବରଷା ଆସିଲେ ମେଘ ସବାରୀରେ ବଉଦ ଖୋଜେ
କାହିଁଗଲା ତାର ସାଧବ ବୋହୁ
ଶ୍ରାବଣୀ ସାଜିଛି ମଳୟ ଭିଜୁଛି ଫଗୁଣ ହସୁଛି
ନୟନରେ ଯେତେ ଲୁହ ଲହୁ
ଫିକା ଫିକା ଲାଗେ ବସନ୍ତ ଆସି ଚାଲିଗଲେ
ଝରା ଶେଫାଳୀ ବର୍ଷା ଧାର ପିଉ ପିଉ
ମାଖମଲ୍ଲି ନାଲି ନେଳି ରଙ୍ଗର ପସରା ଅସରା
ଇନ୍ଦ୍ରଧନୁ ସାତରଙ୍ଗ ତୀର ମାରୁଥାଉ
ବରଷା ବିଜୁଳି ବାଦଲ ଫାଙ୍କରୁ ତୋଫା ରୋଷଣୀ
ଦିଶେ ଦାଉ ଦାଉ ନୀଳକଇଁ ଋଷୁଥାଉ ।